Budan bulaı elimizdegi muǵalimder sabaqtardy uıymdastyrýdyń erekshelikterine qaraı, ózderine unaıtyn oqýlyqty ETANDAU.GOV.KZ platformasy arqyly tańdaı alady.
Qazirgi tańda elektrondy platforma Astana jáne Almaty qalalarynyń, sondaı-aq Qostanaı oblysynyń birqatar mektepterinde aprobasıadan ótti, dep habarlaıdy Almaty-akshamy.kz Oqý-aǵartý mınıstrligine silteme jasap.
«ETANDAU.GOV.KZ- bul muǵalimderge arnalǵan oqýlyqtardy tańdaýdyń ashyq júıesi. Aprobasıa kezinde onyń fýnksıonaldyǵy jáne jumysty ońtaılandyrý múmkindikteri rastaldy. Pedagogter oqý prosesiniń erekshelikteri men uıymdastyrylýyn eskere otyryp, ózderine unaıtyn oqýlyqty óz betinshe tańdaı alady», - dep atap ótti Respýblıkalyq ǵylymı-praktıkalyq bilim mazmunyn saraptaý ortalyǵynyń dırektory Nazıra Abdrahmanova.
Qazir muǵalimder platformany paıdalaný boıynsha oqytýdan ótýde. Aıta keteıik, bul bastama bilim berý sapasyn jáne tıimdiligin arttyrýǵa taǵy bir qadam bolmaq.