Bıylǵy oqý jylynyń merzimi osy aptada belgili bolmaq.
Bul týraly Oqý-aǵartý mınıstri Ǵanı Beısembaev málim etti, dep habarlaıdy Almaty-akshamy.kz.
«Oqý jylynyń merzimine qatysty mınıstr retinde sheshim qabyldaýym kerek. Biraq sheshim aldymen balalardyń múddesine saı bolýy kerek. Men ortaq kelisimge kelý boıynsha tapsyrma berdim. Oqý merzimine qatysty pikir ekige jaryldy, bul jerde másele kimderdiń jeńetininde emes. Bul jerde aldymen balalarǵa bilim berýde jaǵdaı jasaýymyz kerek. Meniń oıymsha, jýyrda atalǵan jaıtqa qatysty naqty sheshim qabyldaımyz. Osy aptada dep oılaımyn», - dedi Ǵanı Beısembaev Úkimet otyrysynan keıin BAQ ókilderiniń saýalyna jaýap bere otyryp.
Mınıstrdiń aıtýynsha, oqý jyly merzimine qatysty sarapshylardyń pikiri ekige bólingen.