15 tamyzǵa qaraǵan túni Mahachkaladaǵy janarmaı quıý beketinde úlken jarylys bolyp, saldarynan kem degende 25 adam qaza tapty
Qasym-Jomart Toqaev Daǵystan Respýblıkasynyń Mahachkala qalasyndaǵy janar-jaǵarmaı stansasynda bolǵan jarylys saldarynan kóptegen adamnyń qaza tabýyna baılanysty Reseı Federasıasynyń Prezıdenti Vladımır Pýtınge kóńil aıtty, dep habarlaıdy Almaty-akshamy.kz.
«Orny tolmas qaıǵyǵa ortaqtasyp, qaza tapqan adamdardyń týǵan-týystaryna Qazaqstan halqynyń jáne jeke óz atymnan kóńil aıtamyn. Sonymen qatar zardap shekkenderdiń tezirek saýyǵyp ketýine tilektestik bildiremin», – dep jazylǵan jedelhatta.