Bıyl elimizde 260 mektepte kúrdeli jóndeý jumystary júrgizilýde.
Oqý jylynyń basynan beri 153 myń qazaqstandyq oqýshy jóndeýden ótken 207 mektepte bilim ala bastady, dep habarlaıdy Almaty-akshamy.kz.
QR Oqý-aǵartý mınıstrliginiń málimetinshe, bul mektepterde shatyrlar aýystyryldy, ǵımarattardyń qasbetteri, terezeleri jańartyldy, ishki ınjenerlik jelileri (sý qubyry, káriz, jylý, elektr jelileri), dárethana bólmeleri jóndeldi. Seısmıkalyq qubylystary joǵary aımaqtarda seısmıkalyq kúsheıtý jumystary jáne t.b. júrgizildi.
Aıta keteıik, jóndeýden ótken ǵımarattardyń ishinde salynǵanyna 50 jyldan asqan mektepter de bar. Olardyń kóbi Almaty oblysynda ornalasqan.
Eske salaıyq, buǵan deıin mınıstrlik oqý-tárbıe prosesiniń buzylýyna jol bermeý jáne ony qaýipsiz uıymdastyrý maqsatynda jóndeý jumystary júrgizilip jatqan mektepterge birneshe ret baqylaý júrgizdi. Búginde jóndeý jumystarynan bólek Qazaqstandaǵy shaǵyn qalalar men aýyldardaǵy 1000 mektep jańartylýda. Atap aıtsaq, kúrdeli jóndeý jumystary, pándik kabınettermen jabdyqtaý, mektep jıhazdaryn jańartý, kitaphanalardy, asqanalar men qaýipsizdik jaǵdaılaryn jaqsartý atqarylýda. Búgingi tańda 941 aýyl mektebinde jańǵyrtý jumystary aıaqtaldy. Oǵan qosa, bıyl 1000 zamanaýı pándik kabınetterin (robototehnıka, hımıa, bıologıa nemese fızıka) ashý josparlanýda. 974 mektepte zamanaýı kabınetter ornatyldy