Bul kúnderi elordadaǵy Jaqsylyq Úshkempirov atyndaǵy jekpe-jek saraıynda dzúdodan erler men áıelder arasynda Qazaqstan chempıonaty ótip jatyr.
Jarystyń ekinshi kúninde erler – 73, 81, áıelder – 57, 63 jáne 70 kg salmaq dárejesinde ózara myqtyny anyqtady, dep habarlaıdy almaty-akshamy.kz.
Birinshiliktiń ekinshi kúnindegi erler básekesinde Mańǵystaý oblysynyń qos sportshysy – Asqar Narqulov (73 kg) pen Meıirlan Maksım (81 kg) jeńis tuǵyryna kóterilse, áıelder arasynda Aqtóbe oblysynyń ókili Baqyt Qusaqbaeva (57 kg), Atyraý oblysynyń sportshysy Esmıgýl Kýıýlova (63 kg) jáne Almaty oblysynyń balýany Ekaterına Tokareva (70 kg) óz salmaq dárejelerinde jeńimpaz atandy. Jarystyń marapattaý rásimine Týrızm jáne sport mınıstri Ermek Marjyqpaev qatysyp, sportshylarǵa sáttilik tiledi.
«Dzúdodan Qazaqstan chempıonatyna elimizdiń barlyq óńirinen kelgen 463 sportshy qatysyp jatyr. Prezıdentimiz Qasym-Jomart Kemelulynyń «Otandyq sportta ádil básekelestik qaǵıdatyn ornatý kerek» degen tapsyrmasyna sáıkes, bıylǵy chempıonatqa shetelden arnaıy 3 táýelsiz tóreshi shaqyrtyldy. Chempıonat qorytyndysy boıynsha dzúdodan 2024 jylǵy ulttyq qurama jasaqtalady. Barlyq sportshyǵa saıysta sátti óner kórsetýine shyn júrekten tilektespin! Baıraqty básekede eń myqtylar jeńiske jetedi dep senemin», - dedi Ermek Marjyqpaev.
Aıta ketý kerek, jarys 15 qarashaǵa deıin jalǵasady.