Oqys oqıǵa 14 qyrkúıekte Almaty oblysynda parashútpen josparly sekirý oqý-jattyǵýyn oryndaý kezinde bolǵan.
Qaza tapqan Qarýly Kúshterdiń áskerı qyzmetshisi, kapıtan shendi, 1990 jyly dúnıege kelgen ofıser, dep habarlaıdy Almaty-akshamy.kz QR Qorǵanys mınıstrligine silteme jasap.
Mınıstrlik ókiliniń aıtýynsha, qazaq tapqan ofıser budan buryn 50 ret parashútpen sekirgen. Shtattan tys parashútti-desant qutqarýshylar tobynyń quramyna kirgen. Qaıǵyly jaǵdaıdyń mán-jaıy anyqtalýda. Týystarynyń ótinishi boıynsha ózge aqparat jarıa etilmeıdi.
«Qorǵanys mınıstrliginiń basshylyǵy jáne Qarýly Kúshterdiń jeke quramy qaza bolǵan áskerı qyzmetshiniń jaqyndary men týystaryna qaıǵyryp kóńil aıtady. Qorǵanys mınıstrligi áskerı qyzmetshiniń otbasyna kómek kórsetedi», -dedi mınıstrliktiń ókili.