2024-2025 oqý jylyna bakalavrıatqa 78 myńnan astam grant bólindi.
Granttardyń eń kóp bóligi ınjenerlik jáne tehnıkalyq baǵyttarǵa berildi, dep habarlaıdy aqshamnews.kz Ǵylym jáne joǵary bilim mınıstrligine silteme jasap.
Bir granttyq orynǵa eń úlken konkýrs «Stomatologıa» BBBT boıynsha boldy. Bul mamandyq boıynsha bir orynǵa 35 talapker talasty. Ári qaraı «Halyqaralyq qatynastar jáne dıplomatıa» (11 adam), «Dene shynyqtyrý muǵalimderin daıarlaý» (10 adam), «Aýdarma isi» jáne «Psıhologıa» (9 adam) boldy.
Sondaı-aq zardap shekken 6 óńirdiń (Aqmola, Aqtóbe, Atyraý, BQO, Qostanaı, SQO) mektep túlekteri úshin 20% mólsherinde kvota kózdelgen.
Aıta keteıik, sý basqan óńirlerden 20 myńnan astam túlek granttar konkýrsyna qatysýǵa ótinish bergen.
TJ óńirleriniń túlekteri aldymen jalpy konkýrsqa qatysty jáne 10 myńnan astam adam barlyq talapkerlermen birdeı jalpy konkýrs boıynsha ótti. TJ kvotasy aıasynda 5 myńnan astam adam grant aldy.
1130 adam qańtar nemese naýryz aıyndaǵy UBT sertıfıkattaryn paıdalandy.