Pavlodar jáne Jambyl oblystaryndaǵy oqys oqıǵalar búgin oblys ákimderiniń orynbasarlary, polısıa departamentteri, bilim basqarmalary, aýmaqtyq departamentter men vedimistik baǵynysty uıym basshylarynyń qatysýymen ótken balalardyń qaýipsizdigi máselelerine arnalǵan shuǵyl keńeste talqylandy.
Óz baıandamasynda Balalardyń quqyqtaryn qorǵaý komıtetiniń tóraǵasy Nasymjan Ospanova ótken jyldyń basynan bastap Mınıstrlik múddeli memlekettik organdarmen birlesip bilim berý uıymdaryn tehnıkalyq qaýipsizdik quraldarymen jaraqtandyrý boıynsha jan-jaqty jumys atqarǵanyn atap ótti. Normatıvtik-quqyqtyq aktiler, balalardy qorǵaý jónindegi keshendi jospar jáne býllıngke qarsy baǵdarlama qabyldandy. Osyǵan deıin mektepterde psıhologıalyq-pedagogıkalyq jumysty kúsheıtý týraly másele birneshe ret kóterildi, biraq bul jaǵymsyz jaǵdaılar jergilikti atqarýshy organdardyń tarapynan jiberilgen olqylyqtardy kórsetip berdi.
Oqıǵa oryn alǵan mektepterdegi jáne jalpy bilim berý uıymdaryndaǵy jaǵdaı men qabyldanǵan sharalar týraly Pavlodar jáne Jambyl oblysy ákimderiniń orynbasarlary aqparat berdi. Oqý-aǵartý mınıstri psıhologıalyq qyzmetterdiń jumysyn kúsheıtýdiń jáne qalǵan segiz óńirde ony ashýdy jedeldetýdiń mańyzdylyǵyn atap ótti.
«Taǵy da qaıtalaımyn, balalardyń qaýipsizdigi - bizdiń ortaq mindetimiz. Jaǵdaıdy birjaqty baǵalaýǵa bolmaıdy. Qazir óńirlerdegi psıhologıalyq qyzmetterdiń jumysyn ınstıtýsıonaldy túrde kúsheıtý qajet. Bilim berý uıymdaryna mamandandyrylǵan sapaly kúzet qyzmetin qoıý kerek. Balalar arasyndaǵy zorlyq-zombylyqtyń aldyn alý jáne qaýipsizdik sharalaryn qamtamasyz etý jumystaryn nátıjeli júrgizý mańyzdy», - dep atap ótti Ǵanı Beısembaev.
Vedomstvo basshysy mektepishilik baqylaýdy kúsheıtýge jáne árbir mektepke ýchaskelik ınspektorlardy bekitý máselesine jeke toqtaldy. Balalardyń quqyqtaryn qorǵaý komıteti aýmaqtyq departamenttermen birlesip bilim oshaqtarynda mektepishilik esepke alýdy jáne psıhologıalyq-pedagogıkalyq súıemeldeýdi sapaly qamtamasyz etýi qajet.