Mınıstr elimizdiń bolashaǵy úshin ár adamnyń daýysy erekshe mańyzdy ekenin eske saldy.
Oqý-aǵartý mınıstri Asqat Aımaǵambetov búgingi saılaýda daýys bergeni týraly áleýmettik jelidegi paraqshasynda jazdy. Ol pedagogter men bilim salasynyń basqa da qyzmetkerlerin, stýdentter men elimizdiń azamattaryn saılaýda daýys berýge shaqyrdy.
«Búgin tańerteń otbasymyzben birge azamattyq boryshymyzdy oryndap, ádiletti memleket úshin, Otanymyz Qazaqstannyń bolashaǵy úshin daýys berdik. Pedagogter men bilim salasynyń basqa da qyzmetkerlerin, stýdentterdi jáne barlyq otandasymdy saılaý ýchaskelerine baryp, óz eli, óz qalasy jáne otbasy úshin tańdaý jasaýǵa shaqyramyn. Barshamyz álemdegi kúrdeli geosaıası jáne ekonomıkalyq jaǵdaıdyń kýágerimiz jáne búgin qabyldaıtyn sheshimimiz kúndelikti ómirimizge, ortaq bolashaǵymyzǵa, ál-aýqatymyzǵa ǵana emes, sonymen birge memleketimizdiń odan ári nyǵaıýyna jáne álemdik arenadaǵy ustanymdarymyzǵa da áser etedi. Ár adamnyń daýysy mańyzdy!» - dep jazdy mınıstr Asqat Aımaǵambetov.