Buǵan deıin habarlaǵanymyzdan Áýezov pen Gogol kósheleriniń qıylysynda teplovoz ben avtobýstyń soqtasýy týraly resmı málimetter belgili boldy, dep habarlaıdy aqshamnews.kz
Almaty polısıa qyzmetiniń málimeti boıynsha, jol apaty búgin, saǵat 11:40-ta Almaty qalasynyń Almaly aýdanynda oryn alǵan.
Qoǵamdyq densaýlyq saqtaý basqarmasy oqıǵa saldarynan jeti adamnyń zardap shekkenin habarlady. Onyń ishinde 80 jastaǵy bir naýqas Qalalyq jedel shuǵyl kómek kórsetý aýrýhanasyna jetkizildi. Dárigerler onyń oń jaq qabyrǵalarynyń synyǵy men bilek súıeginiń synyǵy dıagnozyn qoıǵan.
Qazirgi ýaqytta barlyq zardap shekkenderge qajetti medısınalyq kómek kórsetilýde.