Qoldanystaǵy áskerı qoımalar men oq-dári bazalarynyń qaýipsizdigin kúsheıtý úshin qosymsha sharalar qabyldanady.
QR Qorǵanys mınıstriniń orynbasary Rýslan Shpekbaevtyń aıtýynsha, Jambyl oblysynyń Baızaq aýdanyndaǵy jarylys qaıtalanbaý úshin eldegi barlyq oq-dári qoımalaryn arnaıy komısıa tekseredi, dep habarlaıdy Almaty-akshamy.kz «QazAqparat» aqparat agenttigine silteme jasap.
«Jambyl oblysy Baızaq aýdanynda bolǵan oqıǵadan keıin Qazaqstan Qarýly Kúshterindegi oq-dárilerdiń barlyq qoımalaryn Qorǵanys mınıstrligi Bas ınspeksıasynyń bastyǵy general-leıtenant Ámir Halyqov basshylyq etetin komısıa tekseredi», - dedi mınıstrdiń orynbasary.