QR Syrtqy ister mınıstrligi qaıtys bolǵan adamnyń Qazaqstan azamaty ekenin rastady
Ońtústik Koreıanyń Kvandjý qalasynda 50 jastaǵy Qazaqstan azamaty qaıtys boldy. Aqparatty QR SİM rastady, dep habarlaıdy Almaty-akshamy.kz Press.kz-ke silteme jasap.
Qazaqstandyq Bahtıer Inátov áıelimen birge Ońtústik Koreıada zańsyz júrgen. Olar Koreıaǵa 2015 jyly jumys isteýge kelgen. Er adam aına jasaıtyn zaýytta jumys istegen.
Marqumdy biletin adamdardyń aıtýynsha, ol aqyldy ári eńbekqor bolǵan. Er adamnyń neden kóz jumǵany belgisiz. Alaıda áıeli onyń kofeni kóp iship, jıi temeki shekkenin aıtady. Er adam densaýlyǵyna shaǵymdanbaǵan.
QR Syrtqy ister mınıstrligi qaıtys bolǵan adamnyń Qazaqstan azamaty ekenin rastady. Qazir marqumdy Otanyna jetkizý úshin qujattary rásimdelip jatyr. Inátovtyń týystarymen elshi baılanysta. Er adamnyń artynda 3 balasy qaldy.