Qazirgi vaksınalar odan qorǵaı ma?
Dúnıejúzilik densaýlyq saqtaý uıymy (DDSU) qarashada Ońtústik Afrıkada tirkelgen koronavırýstyń jańa shtammyna grek alfavıtiniń 15-shi árpi - «Omıkron» ataýyn berdi, dep jazady inbusiness.kz tilshisi INTERFAKS-qa siltep.
«DDU B. 1.1.529 shtammyn «alańdaýshylyq týdyratyn nusqa» dep tanydy, ol «Omıkron» dep ataldy», - dep jazylǵan halyqaralyq uıymnyń habarlamasynda.
Bul shtammnyń «kóptegen mýtasıasy bar» eken. Degenmen ony qazirgi PTR testileri arqyly anyqtaýǵa bolady.
Eske salamyz, DDU shtammdardy geografıalyq belgileri boıynsha atamaýdy, olardy grek alfavıtiniń áripterimen belgileýdi engizgen.
Aıta keteıik, bul shtamm Ońtústik Afrıka, Botsvana, Izraıl jáne Gonkongqa Ońtústik Afrıkadan kelgen týrıserden tabylǵan. Belgıada da anyqtalǵan.
Jańa nusqada 32 mýtasıa bar delinedi. Búkil álem sarapshylary jańa shtamm týraly aqparat jınap jatyr. Qazir qoldanylyp júrgen covid-19 vaksınalary odan qanshalyqty qorǵaıdy - mine, osyny anyqtaý basty mindet.