Qarajattyń basym bóligi Ózbekstanǵa ketken
Elimizden bir aıda 92,6 mlrd teńge aýdarylǵan, dep habarlaıdy Almaty-akshamy.kz LS-ke silteme jasap.
Ulttyq banktiń málimetinshe, elimizde ótken aıda 226,7 myń tranzaksıa jasalǵan. Qazaqstannan syrtqa aýdarylǵan qarajattyń jalpy mólsheri 92,6 mlrd teńge, bul 2020 jyldyń qazan aıymen salystyrǵanda +11,4%-ǵa joǵary.
Elimizden aýdarylǵan qarajattyń basym bóligi Ózbekstanǵa ketken - 30,5 mlrd teńge (+98%), Túrkıaǵa - 20,8 mlrd teńge (+28,4%). Odan keıin Reseı tur, bul elge 13 mlrd teńge jiberilgen, Qyrǵyzstanǵa – 11 mlrd, Grýzıaǵa – 3,8 mlrd teńge aýdarylǵan.
Sondaı-aq, kórshi Qytaı eline 3,6 mlrd teńge, Armenıaǵa – 2,9 mlrd, Tajikstanǵa – 2,1 mlrd teńge ketken. Eń az mólsherdegi qarajat Ýkraınaǵa aýdarylypty - 779,2 mln teńge.
Degenmen qazan aıynda shetelden elimizge aýdarylatyn qarajattyń mólsheri azaıǵan. Bar bolǵany 81,2 myń tranzaksıa jasalyp, 23,2 mlrd teńge jiberilgen (-13,7%).
Qazaqstanǵa aýdarylǵan qarajattyń negizgi bóligi Ózbekstannan kelgen – 5 mlrd teńge (-6%), Reseıden – 3,2 mlrd (-45,7%), AQSH – 2,9 mlrd (+15,6%), Qyrǵyzstannan – 2,9 mlrd teńge (+8%). Eń az mólsherdegi qarajat Ýkraınadan – 291 mln teńge, BAÁ – 278,3 mln teńge aýdarylǵan.
Al, Qazaqstan ishinde 63,4 myń tranzaksıa jasalyp, 6,7 mlrd teńge aýdarylǵan.