Ulttyq halyq sanaǵynan 8,4 mln azamat ótti, dep habarlaıdy almaty-akshamy.kz QR Strategıalyq josparlaý jáne reformalar agenttigi Ulttyq statısıka búrosyna silteme jasap.
Ulttyq halyq sanaǵy bastalǵan alǵashqy eki aptada (1-15 qyrkúıek aralyǵy) onlaın saýalnamaǵa 3 mln qazaqstandyq qatyssa, 11 qazan saǵat 10:00-degi jaǵdaı boıynsha, kórsetkish 7 045 196 respondentti qurady. Olardyń 6 040 911-i sanaq.gov.kz saıtynda, 700 972 adam Egov portalynda tirkelý arqyly, 303 313 adam sanaqqa Aitu qosymshasy arqyly qatysty.
Onlaın sanaqtan ótkender sany boıynsha Túrkistan oblysy alda. Munda 913 074 turǵyn sanaqtan ótkeni jaıly habarlama alǵan. Onlaın sanaqtan ótken 746 343 adam Almaty oblysynda tirkelgen. Úzdik úshtikti Shyǵys Qazaqstan oblysy túıindedi. Munda 707 384 adam sanaq saýaldaryna jaýap berdi.
Onlaın sanaqtan ótý kórsetkishi boıynsha ázirge sońǵy eki oryndy Mańǵystaý jáne Soltústik Qazaqstan oblystary tur. Bul óńirlerde sáıkesinshe 215464 jáne 165749 adam saýalnamaǵa qatysty.
Al, jergilikti halyq sanyna shaqqandaǵy sanaqtan ótkenderdiń úlesi boıynsha Shyǵys Qazaqstan oblysy alda keledi. Munda azamattardyń 52% saýaldarǵa jaýap bergen (1 tamyzdaǵy jaǵdaı boıynsha óńirde 1361163 adam tirkelgen). Bul kórsetkish boıynsha Qyzylorda oblysy ekinshi orynda tur. Munda turǵyndardyń 51,1% búginge deıin sanaqtan onlaın rejımde ótken (1 tamyzdaǵy jaǵdaı boıynsha óńirde 823052 adam tirkelgen).
Eske salaıyq, 1 qazannan bastap ıntervúerler úılerdi jappaı aralaýdy bastaǵan edi. 10 kúnniń qorytyndysy boıynsha oflaın sanaqpen elimizdiń 1 445 204 turǵyny qamtylǵan. Aıta keteıik, onlaın sanaqtan qazannyń 15-ine deıin ótýge múmkindik bar.
Onlaın sanaqtan tek úıde ǵana emes, el boıynsha ashylǵan 3 myńnan asa «sanaq buryshtarynda» ótýge bolady. Olar Halyqqa qyzmet kórsetý ortalyqtary, «Qazpochta» fılıaldary men saýda, oıyn-saýyq ortalyqtarynda ornalasqan.
Onlaın sanaqtan ótpegender 30 qazanǵa deıin ıntervúerlerdiń saýaldaryna jaýap bere alady. Barlyq saýaldar boıynsha 1446 telefon nomerine habarlasýǵa bolady. Qońyraý shalý – tegin.