Almaty ákimi Baqytjan Saǵyntaevtyń tóraǵalyǵymen ótken apta saıynǵy aparattyq keńeste áleýmettik-ekonomıkalyq damýdyń aralyq qorytyndylary, jylytý maýsymynyń bastalýy, jeke sektordyń órtke qarsy qaýipsizdigi, halyq sanaǵynyń barysy qaraldy, dep habarlaıdy almaty-akshamy.kz
Almaty ekonomıkasynyń negizgi salalarynda aǵymdaǵy jyldyń 9 aıynyń qorytyndysy boıynsha ekonomıkalyq ósimniń joǵary qarqyny qamtamasyz etildi. Máselen, qańtar-qyrkúıekte qysqa merzimdi ekonomıkalyq ındıkator 109%-dy qurady. Negizgi kapıtalǵa salynǵan ınvestısıalar kólemi 752,8 mlrd teńgeni qurady, NKI - 117,8%.
Kólik jáne logıstıka salasyndaǵy kórsetiletin qyzmetterdiń naqty kólem ındeksi 2020 jylǵy aqpannan bastap alǵash ret oń dınamıkany kórsetti jáne aǵymdaǵy jylǵy qańtar-tamyz aılarymen salystyrǵanda 2,5%-ǵa ulǵaıyp, 101,2%-dy qurady.
Ónerkásip salasynda óndirilgen ónim kólemi 1 trln teńgeden asty, NKI 120,1%-dy qurady. Bul rette ónerkásip ónimin óńdeý salasyndaǵy NKI 120,7%-dy qurady. Sondaı-aq, elektrmen jabdyqtaý jáne ystyq sýmen qamtamasyz etý qarqynynyń 22,1%-ǵa, NKI-122,1%-ǵa óskeni baıqalady.
Saýda salasynyń qalpyna keltirý ósimi jalǵasty. Qańtar-qyrkúıekte bólshek saýdanyń NKI 112,6%-dy, kólemi – 2 trln 948,8 mlrd teńgeni qurady. Kóterme taýar aınalymynyń NKI-i 103,2%-dy qurady, al kólemi 7,6 trln teńge.
Baılanys qyzmetteriniń kólemi 13,9% ósimmen 437 mlrd teńgeni qurady. Bul Internet jelisine qoljetkizýdi usyný boıynsha qyzmetter kóleminiń 16%-ǵa jáne uıaly baılanys qyzmetteri kóleminiń 11,5%-ǵa ósýine oraı iske asty. Toǵyz aıdyń qorytyndysy boıynsha 52,3 myń jumys orny quryldy, onyń ishinde turaqty jumys oryndary – 34,7 myń, ýaqytsha jumys oryndary – 17,6 myń.
Almaty ákimi B. Saǵyntaev atalǵan salalarǵa jetekshilik etetin orynbasary İ. Óserovke jáne Strategıa jáne búdjet basqarmasynyń basshysyna Nur Otan partıasynyń saılaýaldy baǵdarlamasyn oryndaý boıynsha áleýmettik-ekonomıkalyq damýdyń boljamdy kórsetkishterine, nysanaly ındıkatorlarǵa jáne Jol kartasyna qoljetkizý máselesin baqylaýda ustaýdy tapsyrdy.
Jylý berý maýsymynyń bastalýy jónindegi máseleni qaraý qorytyndysy boıynsha ákimniń orynbasary M. Ázirbaev aýdan ákimderimen, tıisti memlekettik organdarmen jáne qyzmettermen birlesip, jylý berý maýsymynyń ótýin erekshe baqylaýda ustaǵandary jón.
Órt qaýipsizdigin qamtamasyz etý maqsatynda tótenshe jaǵdaılar departamentiniń basshysy R. Qasymbaevqa jeke turǵyn úı sektoryn aralaýdy jalǵastyrý, qaýipsizdik sharalary týraly túsindirý jumystaryn kúsheıtý tapsyryldy.
Qala ákimi halyq sanaǵy máselesi boıynsha tıisti qyzmetterge Ulttyq búronyń statısıka departamentimen birlesip sanaq naýqanyn ótkizý boıynsha jumysty jandandyrýdy tapsyrdy.