Keshe iske qosylǵan «Sıfrlyq notarıat» jobasy arqyly qazaqstandyqtar 30 senimhat alyp úlgergen, dep habarlaıdy Almaty-akshamy.kz BAQ.KZ-ke silteme jasap.
Bul týraly Ortalyq komýnıkasıalar qyzmetinde ótken brıfıń barysynda QR Ádilet vıse-mınıstri Bekbolat Moldabekov aıtty.
- «Sıfrlyq notarıat» jobasy arqyly ár azamattyń smartfon arqyly úıden, jumystan senimhattardy alýǵa múmkindigi bar. Úlken dárejeli joba. Bul jobany iske asyrǵan alǵashqy elderdiń birimiz. Onlaın senimhatty e.gov qosymshasy arqyly alýǵa bolady. Sońǵy málimet boıynsha keshe 15:00 den qazirge deıin 30 shaqty senimhat alyp úlgergen. Jarty kúnniń ishindege nátıje osyndaı. Demek bul joba óz maqsatyn oryndap jatyr, - dedi QR Ádilet vıse-mınıstri Bekbolat Moldabekov.
Sıfrlyq senimhatty resimdeý joly da qıyn emes. Bastysy eGov Mobile qosymshasynda ESQ bolsa jetilikti.
eGov Mobile qosymshasyna avtorızasıadan ótý;
ótinimdi toltyryp, oǵan ESQ kómegimen qol qoıý;
onlaın qyzmet túrin alýshy óziniń jeke basyn rastaý úshin mobıldi qosymshada notarıýsqa beıneqońyraý shalady;
belgilengen tarıf boıynsha notarıýs qyzmetine aqy tóleý;
«Sandyq qujattar» bólimine ótip, senimhat alý.
Aıta keteıik, senimhattyń bul túri qaǵaz nusqasyndaı qoldanýǵa jaramdy.