Keı jaǵdaılarda kosmetıkalyq prosedýralar adamda obyr aýrýyn týdyrýy múmkin.
Bul týraly onkolog ári hımıoterapevt Andreı Bazylev aıtty, dep habarlaıdy Almaty-akshamy.kz
Maman áıel adamdar arasynda jıi kezdesetin shashty túzetý prosedýrasyna nazar aýdarýǵa shaqyrdy. Onyń aıtýynsha, shash túzetýde qoldanylatyn preparat quramynda formaldegıd qoldanylady. Ol qaýipti kanserogen, sondyqtan shashty aıyna segiz retten asyryp túzetken durys emes. Onyń ózinde, bul prosedýra salon klınetteri úshin emes, osy qyzmetti kórsetetin mamandar úshin qaýip týdyrady.
Kosmetologıalyq preparattardy tańdaý kezinde Bazylev quramynda dıoksan barlaryn tańdamaý kerektigin aıtty. Bul zat aǵzadaǵy túrli endokrındi buzylystardyń paıda bolýyna áser etýi múmkin, onyń saldary obyr aýrýyna ákelýi yqtımal.
Jıi qoldanǵan kezde tyrnaqqa arnalǵan últrakúlgin lampa da aǵzaǵa aıtarlyqtaı zıanyn tıgizedi. Manıkúr men pedıkúrge áýes qyzdardyń ony qoldanǵannan teri obyryna ushyraý qaýpi basym. Onyń ózinde, maman mundaı saldar bolmas úshin últrakúlgin lampany aıyna 10-15-ten kóp qoldanbaý kerek.
Sonymen qatar, onkolog sońǵy derekter boıynsha, buǵan deıin onkologıa týdyrýy múmkin dep sanaǵan botolýtoksın ýkoldary (egý) jáne shashty boıaýda mundaı qaýpi joq ekenin aıtty.