Premer-Mınıstr Oljas Bektenovtiń tóraǵalyǵymen ótken Úkimet otyrysynda aldaǵy jylý berý maýsymynda ınjenerlik jeliler men avtonomdy qazandyqtardyń daıyndyǵy máselesi qaraldy. Ónerkásip jáne qurylys mınıstri Qanat Sharlapaev baıandama jasady, dep habarlaıdy aqshamnews.kz
Ol Qazaqstanda jylý berý maýsymyna 12 myńnan astam avtonomdy qazandyq daıyndalǵanyn habarlady. Sondaı-aq olardyń qajettiligi úshin dızel otyny, mazýt jáne kómir jetkilikti mólsherde daıyndalǵan.
Bıyl 161 km jylý jelilerin jańǵyrtýǵa respýblıkalyq búdjetten 93 mlrd teńge qarastyrylǵan. 104 km jelini nysanaly transfertter esebinen jańartý josparlanǵan, 57 km jelini qalpyna keltirýge Úkimet rezervinen aqsha bólinedi. Investısıalyq baǵdarlamalar boıynsha 69 km jylý jelilerin jóndeý josparlanýda.
Sonymen qatar jergilikti atqarýshy organdar qarjylandyrý josparyna sáıkes osy jyldyń sáýir aıynan bastap 93 mlrd teńgeden 72 mlrd teńge nemese 78%-yn aýdarǵan. Jylýmen jabdyqtaýdyń josparlanǵan 64 jobasy boıynsha 159 km jeli tóseldi.
Injenerlik ınfraqurylymdy josparly jóndeý sheńberinde óńirlerde kelesideı jumystar júrgizildi:
- 536 km jylýmen jabdyqtaý jelileri jóndeldi nemese jospardyń 99%
- 1025 km sýmen jabdyqtaý jelileri nemese 90%;
- sý burý boıynsha 159 km nemese 98% jóndeldi.