Buǵan aýyl sharýashylyǵy, munaı servıstik qyzmetter, toqyma ónerkásibi, týrızm jáne IT sıaqty sektorlardy qamtıtyn 50-den astam qazaqstandyq kásiporyn qatysty.
Forýmda Saýda jáne ıntegrasıa mınıstri Arman Shaqqalıev Italıa Qazaqstan úshin Eýropalyq Odaqtaǵy negizgi saýda seriktesteriniń biri ekenin, taýar aınalymy boıynsha úzdik úshtikke kiretinin atap ótti. Sonymen qatar birlesken kásiporyndarda óndirilgen ónimdi ilgeriletip, taýarlardyń halyqaralyq naryqtaǵy pozısıasyn kúsheıtetin «Made with Italy» tujyrymdamasyn engizýdi usyndy. «Made in Italy» vıse-mınıstri Valentıno Valentını usynysty qoldap, eki eldegi shaǵyn jáne orta bıznestiń damýyn yntalandyratynyn aıtty. Bul Qazaqstan-Italıa qarym-qatynasyn nyǵaıtýdaǵy mańyzdy qadam bolmaq.