Bıyl óńirlerdegi suranysqa ıe mamandyqtarǵa 2,5 myńǵa jýyq ákimdik granty bólindi.
Pedagogıka men medısına mamandyqtaryna basymdyq berilgen, dep habarlaıdy Almaty-akshamy.kz.
Qazaqstan.tv aqaparaty boıynsha, grant sany boıynsha Astana qalasy kósh bastap tur. Ákimdik talapkerlerge 1 068 grant bóldi. Shyǵys Qazaqstan oblysy 270, Abaı oblysy 200 grant qarastyryp otyr. Alǵashqy bestikti 175 grantpen Mańǵystaý jáne 160 grantpen Aqmola oblystary qorytyndylaıdy.
Almaty men Shymkent qalasy, Qyzylorda, Túrkistan jáne Pavlodar oblystarynyń ákimdikteri bıyl grant bólgen joq. Aıta keteıik, qujattar joǵary oqý oryndarynyń qabyldaý komısıasynda qabyldanady. Ákimdik grantyna ótinish berý men konkýrs qorytyndysyn shyǵarý merzimin ár óńir ózi bekitedi.
Astana – 1 068
SHQO – 270
Abaı oblysy – 200
Mańǵystaý oblysy – 175
Aqmola oblysy – 160
Jetisý oblysy – 100
Almaty oblysy – 95
Ulytaý oblysy – 90
BQO – 86
Atyraý oblysy – 80
Jambyl oblysy – 55
Aqtóbe oblysy – 38
Qaraǵandy oblysy – 20
SQO – 18
Qostanaı oblysy - 15