2025 jylǵy 18 mamyrda Ábilhan Qasteev atyndaǵy QR Memlekettik óner mýzeıinde Halyqaralyq mýzeı kúnine oraı jyl saıyn ótetin dástúrli «Mýzeı túni - 2025» mádenı-bilim berý aksıasy, saǵat 14:00-00:00 uıymdastyrylady. Bıylǵy is-shara ult óneriniń qarashańyraǵy sanalatyn mýzeıdiń 90 jyldyq mereıtoıy aıasynda ótedi. Bul týraly joba jetekshisi Áıgerim Kópjúrsin óńirlik komýnıkasıalar qyzmetiniń baspasóz-maslıhatynda atap ótti.
Keshtiń taqyryby — «Ózgermeli álemdegi dástúr men zamanaýılyq». İs-sharanyń stılısıkalyq baǵyty — vıntaj estetıkasy.
Baǵdarlama eki bólimnen turady:
Balalarǵa arnalǵan «Mýzeı kúni»: bul ýaqyt aralyǵynda kishkentaı qonaqtar men otbasylar úshin sheberlik saǵattary, «Art- sheberhanamen» plener, kvest-oıyndar uıymdastyrylady.
• «Mýzeı túni» baǵdarlamasy: kelýshiler nazaryn teatrlandyrylǵan mýzykalyq jáne bı kórinisteri, performanstar, avtorlyq ekskýrsıalar, leksıalar men erekshe tosynsyılar kútedi.
İs-shara baǵdarlamasyna mynalar kiredi:
Mýzeı aýlasynda sheberler jármeńkesi, «ART-sheberhana» beıneleý stýdıasynyń balalarǵa arnalǵan pleneri, taqyryptyq sheberlik sabaqtary júrgiziledi.
16:00-de mýzeı qorynan «Máńgilik mura - ýaqytpen úndesken óner» kórmesiniń ashylýy jáne «Qazaqstannyń sándik-qoldanbaly óneri» katalogynyń tusaýkeseri ótedi. Sonymen qatar, kórme aıasynda saǵat 17:00-den bastap qazaq jáne orys tilderinde ekskýrsıa júrgiziledi.
Merekelik is-shara barysynda balalar men jasóspirimderge arnalǵan tanymdyq jáne ınteraktıvti «Óner agenti: keskinder patshalyǵyndaǵy qupıa habar» kvest oıyny júrgiziledi.
Mýzeıimizdiń 90-jyldyq mereıtoıy qarsańynda ótkizilip jatqan «Mýzeı túni-2025» baǵdarlamasy aıasynda saǵat 18:00-de elimizdiń aǵa býyn ónertanýshylary Muqajanova Kýljazıra - ónertanýshy, QR Eńbek sińirgen óner qaıratkeri, AICA Qazaqstan ulttyq bólimshesiniń prezıdenti, QR SO múshesi «Ábilhan Qasteev shyǵarmashylyǵy»; Nýrfeızova Nurjamal - ónertanýshy, QR Mádenıet salasynyń úzdigi «Qazaqstan sándik-qoldanbaly óneri»; Kım Elızaveta - ónertanýshy, QR Mádenıet salasynyń úzdigi, Halyqaralyq synshylar men ónertanýshylar qaýymdastyǵynyń (AICA) múshesi, QR SO múshesi «HH ǵasyrdaǵy shet el óneri»; Lı Kamılla - ónertanýshy, QR Eńbek sińirgen óner qaıratkeri, Halyqaralyq synshylar men ónertanýshylar qaýymdastyǵynyń (AICA) múshesi, QR SO múshesi «1960jylǵy Qazaqstan beıneleý óneri» boıynsha «Syrly suhbat» atty erkin formattaǵy áńgime-suhbat ekskýrsıasy uıymdastyrylady.
19:00-00:00 aralyǵynda konserttik baǵdarlama bastalady:klasıkalyq mýzyka, horeografıa, performans, sahnalyq kórsetilim kiredi. Aıtalyq: «Choir pop» - P.I. Chaıkovskıı atyndaǵy AMK stýdentteriniń estradalyq hory, «Dolce» kvartetiniń kameralyq kompozısıalary, pantomıma teatry, SUBANDALA – etno ánshi Venera Ýrazbekovanyń mýzykalyq baǵdarlamasy, «SAQTALǴAN SULBA» performans, «SANTAS FLORES DEL ALMA» flamenko bı toby, dırıjer jáne jaz ánshisi Ilıas Dúısenniń mýzykalyq baǵdarlamasy, «SHYRAQ ÁÝEN» kvarteti jáne TeslaArtLab jaryq shoýy «Dúrbelen» - Ulttyq ańyzdardyń ejelgi tamyry bar zamanaýı qoıylymymen qatysady.
«Mýzeı túni-2025» – bul ulttyq óner men zamanaýı mádenıettiń úılesim tapqan keshi, ótkenge taǵzym men keleshekke kózqaras, kórermen men óner arasyndaǵy jańa baılanys alańy. Bul kúni mýzeı qonaqtary úshin Halyqaralyq kórmelerden basqa (Oral Tańsyqbaevtyń kórmesi ǵana aqyly) kirý tegin bolady.