Almatydaǵy "Taza Qazaqstan" respýblıkalyq ekologıalyq aksıasynyń "Ónegeli urpaq" aptalyǵy aıasynda eriktiler, qoǵam qaıratkerleri men qala turǵyndary almatylyq zeınetkerlerge, Uly Otan soǵysy men eńbek maıdany ardagerleriniń aýlalaryn jınaýǵa kómektesti. Budan ózge turmystyq qoqysty suryptaý, qaýipti qaldyqtardy durys kádege jaratý boıynsha ekojobalar iske asyrylýda.
Kómekke zárý jannyń biri Áýezov aýdanynda turatyn eńbek maıdanynyń qatysýshysy Aleksandr Zaharov. Qoǵamdyq kómekshiler aqsaqaldyń aýlasyndaǵy aǵashtardy kesip, aýmaqty jınastyrdy.
«Biz, Qazaqstan halqy Assambleıasy jastarynyń ókilderi "Almaty - bizdiń ortaq úıimiz" naýqanyn qoldaımyz. "Kórshińe kómektes" aksıasy aıasynda zeınetkerlerdiń aýla aýmaǵyn tazalap, abattandyramyz. Eńbek ardagerlerine, múmkindigi shekteýli jandarǵa kómektesemiz. Aýdandyq ákimdikterde bizge kómekke muqtajdardyń tizimi berildi", - dedi Almaty qalasynyń "Jastar Assambleıasy" RQB ókildigi tóraǵasynyń orynbasary Iylmaz Safaraýl.
Bólingen ýchaskede jastar qorshaýdy boıap, qoqysty shyǵaryp, aramshóp julyp, aýlany abattandyrdy.
«Men jigitterdiń kelgenine qýanyp qaldym. Kóp kómekteri tıdi. Kúni boıy aýlada jumys istep, eski aǵashtardy kesip, bárin retke keltirdi. Shyn júrekten alǵys aıtamyn, naǵyz tımýrlyqtar, kóp rahmet! Qudaı denderine saýlyq bersin!",- dedi zeınetker, I toptaǵy múgedek Aleksandr Zaharov.
Ekoaksıa bastalǵaly beri Jastar Assambleıasynyń músheleri ózge de jastar uıymdarymen birlesip, 300-ge jýyq úıdi aralap shyqty.
«Búginde bul úıge bizdiń alty ókilimiz bardy. Mundaı is-sharalar óskeleń urpaqty eńbekqorlyq rýhynda tárbıelep otyr, - dep atap ótti Eńbek utqyrlyǵy Jumyspen qamtý ortalyǵynyń mamany Jalǵas Qalı.
Esterińizge sala keteıik, 8 sáýir men 8 mamyr aralyǵynda Almatyda "Almaty – bizdiń ortaq úıimiz" naýqany ótip jatyr. Árbir turǵyn qalanyń damýy men abattandyrylýyna óz úlesin qosa alady.
«Almaty – bizdiń ortaq úıimiz» naýqany týraly barlyq aqparat almaty.kz saıtynda, Almaty ákimdiginiń áleýmettik jelilerinde ornalastyrylǵan. Sondaı-aq, veb-saıtqa qala boıynsha bannerlerde, plakattarda arnaıy ornalastyrylǵan QR-kod arqyly da kirýge bolady.
Áleýmettik medıa naýqanynyń belsendi qatysýshylaryna arnalǵan heshtegter:
#AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.