«Taza Qazaqstan» respýblıkalyq aksıasy jáne «Almaty – bizdiń ortaq úıimiz» qalalyq naýqany aıasynda Jumyspen qamtý jáne áleýmettik baǵdarlamalar basqarmasy «Ónegeli urpaq» naýqanyn ótkizdi.
Megapolıste birneshe kún qatarynan ótip jatqan aksıanyń maqsaty – qalanyń jeke sektorynda turatyn jalǵyzbasty zeınetkerler men erekshe qajettilikteri bar qart adamdardyń aýla aýmaqtaryn tazalaýǵa jáne kórkeıtýge kómek kórsetý, dep habarlaıdy Almaty-akshamy.kz
Búgin, volenterlar men qoǵam belsendileri Almaly aýdanynda turatyn zeınetker Alevtına Soıǵa kómektesti. Olar aýla ishindegi qoqystardy tazalap, kóshe sypyryp, ósip ketken shópterdi shaýyp, gúlderdiń túbin qopsytty.
«Belsendiler ardagerlerimizdiń aýlalaryn tazalap, qoqystardy shyǵaryp, qarttarymyzǵa jaıly jaǵdaı jasaýǵa tyrysty. Biz osyndaı azǵantaı ǵana jumysymyz arqyly olardyń kóńilin kóterdik degen úmittemiz», – dep bólisti Almaty qalasy eriktiler front-ofısiniń basshysy Baǵdat Anarbaeva.
Naýqan barysynda ardagerler, jalǵyzbasty zeınetkerler, halyqtyń áleýmettik osal toptary turatyn 115 úıdiń aýlalaryn jınaýǵa 876 volonterlar men belsendiler atsalysty. Jeke úılerdiń aýlalary jınalyp, qorshaýlary boıaldy. Aýla ishindegi aǵashtar butalyp, túpteri aǵartyldy. Sonymen qatar gúl otyrǵyzylyp, aýla ishindegi ózge de jóndeý jumystary júrgizildi.
Qalanyń qaı aýdanynda qansha erikti jumys istedi?:
Alataý aýdany - 15 úı, 96 erikti,
Túrksib aýdany - 13 úı, 98 volonter,
Almaly aýdany - 49 úı, 300 erikti,
Jetisý aýdany - 8 úı, 42 volonter,
Bostandyq aýdany - 7 úı, 37 erikti,
Áýezov aýdany - 10 úı, 150 erikti,
Naýryzbaı aýdany-13 úı, 153 erikti jumyldyryldy.
«Bul naýqan osymen toqtap qalmaıdy. Ári qaraı jalǵasyn tabady. Taǵy 93 úıdiń aýlalary jınalady dep josparlanǵan. Meniń oıymsha, bul naýqan jaqynyńa kómektesý men qoldaýdyń tamasha úlgisi. Biz janymyzdaǵy qarıalarǵa kómekteskende, olar úshin ǵana emes, ózimiz úshin de mańyzdy nárse jasaımyz. Júregimizde jylýlyq uıa salady. Men belsendi qala turǵyndary men eriktilerdi maqtan tutamyn. Jáne de olarǵa shyn júrekten alǵysymdy bildirgim keledi», - dedi Baǵdat Anarbaeva.
Esterińizge sala keteıik, 8 sáýir men 8 mamyr aralyǵynda Almatyda «Almaty – bizdiń ortaq úıimiz» naýqany ótip jatyr. Árbir turǵyn qalanyń damýy men abattandyrylýyna óz úlesin qosa alady.
Barlyq aqparat almaty.kz saıtynda, Almaty ákimdiginiń áleýmettik jelilerinde ornalasqan. Sondaı-aq, veb-saıtqa arnaıy QR-kod arqyly qala boıynsha ornalastyrylǵan bannerlerde, plakattarda jáne afıshalarda kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.