Almatyda osyndaı ataýmen halyqaralyq kórme ótip jatyr.
Ábilhan Qasteev atyndaǵy QR Memlekettik óner mýzeıinde «Tań Sholpan» halyqaralyq táýelsiz áıel sýretshiler qorynyń 25 jyldyǵyna oraı «Ómir súrý, sený, súıý...» atty kórme ashyldy, dep habarlaıdy aqshamnews.kz
Kórmede Qazaqstan, Ózbekstan, Túrikmenstan, Tájikstan, Qyrǵyzstan, Grýzıa, Avstrıa, Germanıa, Kanada jáne AQSH sýretshileriniń 100-den astam týyndylary usynylǵan.
Halyqaralyq joba joǵary kórkemdik bilimi bar, keskindeme, grafıka, sándik-qoldanbaly óner, músin sekildi túrli ónerde shyǵarmashylyqpen aınalysatyn 70-ten astam kásibı sýretshilerdi biriktirdi.
«Tań Sholpan» qory Qazaqstanda jalpy ónerdi ilgeriletýdi maqsat etip qoıǵan áıel sýretshilerdi jınaǵan jalǵyz kompanıa. Olardyń ómir fılosofıasy – ónerge, shyǵarmashylyqqa degen súıispenshilik. Bul olardyń biregeıligin kórsetýge múmkindik beredi.
Ekspozısıa 9 aqpanǵa deıin jalǵasady.