Neurology jýrnalynda jarıalanǵan usynystar kognıtıv densaýlyqty árdaıym saqtaýǵa, júıke aýrýlarynyń qaýpin azaıtýǵa kómektesedi.
Amerıkanyń nevrologıa akademıasy mıdyń saýlyǵyna áser etetin 12 faktordy atady.
Mı saýlyǵynyń negizgi faktorlary:
Uıqy. Durys uıqy – mıdy qalpyna keltirýdiń negizi. Uıqydan keıin ózińizdi jaıly, tynyqqan adam sıaqty sezinýińiz kerek.
Emosıa saýlyǵy. Sozylmaly stress, úreı nemese depressıa mıdyń jumysyn nasharlatýy múmkin.
Tamaqtaný. Durys tamaqtaný kognıtıvti fýnksıany jaqsartady. Taǵamyńyzda qorektik zattar men dárýmender jetkilikti bolsyn.
Dene belsendiligi. Qımyl-qozǵalys qan aınalymyn jaqsartady jáne neırondardy qorǵaıdy.
Áleýmettik belsendilik. Jaqyn adamdardyń janashyrlyǵy, meıirim psıhıka saýlyǵy úshin mańyzdy.
Jaraqattanýdyń aldyn alý. Bas jaraqatyn boldyrmaýǵa tyrysyńyz, kólikte qaýipsizdik beldigin taǵyńyz, motosıklde shlem kıý kerek.
Qan qysymyn baqylaý. Joǵary qan qysymy mıǵa teris áser etedi. Únemi ólshep júrińiz.
Metabolıka. Qant pen holesterın qalypty bolsa, nevrologıalyq aýrýlardyń qaýpi azaıady.
Emdeý rejımin saqtaý. Dári-dármekti jón-josyqsyz paıdalanýǵa bolmaıdy.
Vaksınasıa. Ekpeler mıǵa áser etetin ınfeksıalardan qorǵaýǵa kómektesedi.
Zıandy ádetten aýlaq bolý. Shylymnan bas tartý, alkogóldi shamadan tys tutynbaý mańyzdy.
Áleýmettik faktorlar. Qaýipsiz baspana, medısınalyq kómektiń qoljetimdi bolǵany jaqsy.