Ánshiniń jeke saıtynyń aqparatyna sáıkes, jazdyń birinshi kúni japon radıosynyń tolqynynda More Music baǵdarlamasynyń World Music Scene bóliminde qazaq estradasynyń juldyzy Dımash Qudaıbergenniń «Omir» kompozısıasy shyrqalady.
Dımashtyń paraqshasynda jazylǵandaı, japondyq radıobaǵdarlamanyń júrgizýshisi Kato Kadzýjı qazaqstandyq ónerpazdyń jańa kompozısıasyn estip, óz áserimen bólisti.
«Osy ándi tyńdaı otyryp, Dımashtyń alǵa, tek alǵa umtylatyn kúshti erik-jigerin sezinemin. Ómirdi bir ret tyńdaǵan soń, qaıta-qaıta tyńdaǵyń keletini sózsiz!»
Sondaı-aq, baǵdarlama aıasynda japon dıdjeıleri Erke Esmahannyń «Batyr Mánshúk», HammAli & Navai, Jah Khalib «Boje, kak zavıdýıý» ánderin efırge shyǵarady.
24 mamyrda 29 jasqa tolǵan kúni Dımash Qudaıbergen jankúıerlerine jańa án men oǵan beınebaıan tartý etti. Onyń aıtýynsha, Dımash «Omir» kompozısıasyn barsha jankúıerlerine arnaǵan.