2023 jylǵy sáýirde Qazaqstan Respýblıkasynyń aýmaǵyna jalpy salmaǵy 5.5 tonna Arıel kir jýǵysh untaǵynyń 1640 qaptamasy zańsyz ımporttaldy.
Sebebi bul ónimniń shyǵý tegi belgisiz, sapasy kúmándi. Taýarda Ariel kir jýǵysh untaǵynyń belgisi bar jáne ony ákelý úshin taýar belgisiniń quqyq ıesiniń kelisimi qajet. Alaıdda ımporttaýshy mundaı kelisimdi almaǵan. Osyǵan baılanysty MQD qyzmetkerleri QR aýmaǵyna taýar ákelýdi toqtatty, dep habarlaıdy Almaty-akshamy.kz.
Almaty qalasynyń Ádilet departamenti júrgizgen kelissózder men quqyqtyq túsindirý jumystarynyń nátıjesinde quqyq ıesi men ımporttaýshy arasynda tatýlasýǵa qol jetkizildi, al taýar joıylýǵa berildi.
Sondaı-aq, sol ımporttaýshy 600 birlik Djılett ustarasyn ákeldi. GILLETTE taýar belgisiniń quqyq ıesi de mundaı áreketke kelisim bergen joq. Qazirgi ýaqytta bul taýarlar da joıylýǵa berildi.
Bul taýar sertıfıkattalmaǵan, onyń qaptamasy Qazaqstan Respýblıkasynyń aýmaǵynda qoldanylatyn tehnıkalyq reglamentterge sáıkes kelmeıdi, al osy taýardyń shyǵý tegi belgisiz bolyp tabylady. Osyǵan baılanysty osy taýardy Qazaqstan aýmaǵynda aınalymǵa shyǵarý tutynýshylarǵa zıan keltirý qaýpin týdyrýy múmkin.
Zıatkerlik menshik quqyqtaryn qorǵaýdy "Ádilet organdary týraly" Zańǵa sáıkes Ádilet organdary júzege asyrady. Budan basqa, Ádilet organdaryna zıatkerlik menshik quqyqtaryn qorǵaý máseleleri boıynsha quqyqtyq túsindirý jumystaryn júrgizý fýnksıasy júktelgen.