Ázerbaıjan Prezıdenti Ilham Álıev qazaqtyń kórnekti aqyny Oljas Súleımenovti «Sharaf» ordenimen marapattady, dep habarlaıdy almaty-akshamy.kz QazTAG-qa silteme jasap.
Prezıdent Ilham Álıev Oljas Súleımenovti Ázerbaıjan halqynyń úlken dosy, baýyrlas Qazaqstan mádenıetiniń iri ókili, qoǵam qaıratkeri retinde biletinin atap ótken. Aqynnyń barlyq máselede óziniń prınsıpti ustanymyn bildirip, Ázerbaıjanǵa árqashan qoldaý kórsetkenin basa jetkizgen. Ol sondaı -aq, Oljas Súleımenovtiń Ázerbaıjan men Armenıa arasyndaǵy shıelenisti sheshýde de árqashan qoldaý kórsetkenin aıtqan.
Ilham Álıev kórnekti aqyn eń qıyn kezderde de óz tamyryna, halqyna adal bolǵanyn jáne Qazaqstannyń tabysty damýy úshin bárin jasaǵanyn atap ótken.
Bul rette Ázerbaıjan Prezıdenti Oljas Súleımenov pen Geıdar Álıev arasyndaǵy dostyq qarym-qatynas pen kezdesýlerdi eske túsirip, Oljas Súleımenovti talanty men qoǵamdyq belsendiligi úshin qurmetteıtinin de jetkizdi.
Al óz kezeginde belgili aqynymyz, túrki álemi elderin shoǵyrlandyrý, túrkitildes memleketter arasyndaǵy yntymaqtastyqty nyǵaıtýda kúsh-jigerin jumsap júrgen kórnekti tulǵa Oljas Súleımenov ázirbaıjandyq «Sharaf» ordenimen marapattalǵanyn maqtan tutatynyn atap ótip, Ilham Álıevke rızashylyǵyn bildirgen.