Qýańshylyq zardabyn tartqan malshylardyń tizimi jasalyp jatyr
Qazir aımaqta mal basy qaıta sanalyp, tirkeýge alyna bastady. Jergilikti ákimdikter tizimge engen sharýa qojalyqtarynyń máselesin sheshýge kómektesedi, dep habarlaıdy almaty-akshamy.kz
Óńirde maýsym aıynda 631 myń 179 túlik bolǵan. Sonyń 460 myńǵa jýyǵy analyq mal. Bıylǵy jazda 1 myńnan astam iri qara dalada qyryldy. Ásirese, Ondy, Myrzaıyr, Basqudyq, Ushtaǵan, Jarma, Sazdy aýyly mańyndaǵy sharýashylyqtarda jylqy shyǵyny boldy.
Mal sanaǵy aıaqtalǵan soń, sharýanyń jem-shópke jumsaǵan shyǵynyn ishinara óteý úshin analyq malǵa qarjy beriledi. Memleket qazynasynan 1,9 mlrd teńge bólindi. Eshki men qoıdyń jasy 12, sıyr 18, túıe-jylqy 36 aıǵa tolýy kerek.
Qysqy mal azyǵy qoryn jasaýǵa aımaq búdjetinen 5,3 mlrd teńge qarastyryldy. Onyń 1,9 mlrd teńgesi shóp, qalǵan 3,4 mlrd qarajat jem satyp alýǵa jumsalady.