Qazaqstan shamamen quny 190 mıllıon dollar bolatyn 85 taýar boıynsha eksportty arttyrýǵa daıyndyq júrgizip jatyr.
Premer-mınıstr Oljas Bektenovty Tájikstanǵa sapary aıasynda sol eldiń prezıdenti Emomalı Rahmon qabyldady. Kezdesýde saýda jáne ınvestısıalar, ónerkásip, aýyl sharýashylyǵy jáne kólik baılanysy, sondaı-aq sý-energetıkalyq salalary boıynsha sóz qozǵaldy, dep habarlaıdy Almaty-akshamy.kz 24.kz-ke silteme jasap.
Delegasıalar ónerkásip kooperasıasyn damytýdyń mańyzdylyǵyna toqtalyp, eksportqa baǵdarlanǵan jańa birlesken óndirister qurýdyń ózektiligin atap ótti. Tájikstan aýmaǵynda ken oryndaryn birlesip ıgerý jáne jobalardy júzege asyrý múmkindigi qarastyryldy. Yntymaqtastyqtyń jańa baǵyttary qatarynda sıfrlandyrý salasy bar. Ýaǵdalastyqtardy júzege asyrý sheńberinde Qazaqstan Tájikstanǵa elektrondyq úkimettiń menshikti ulttyq júıelerin óristetýge kómektesýi boıynsha jumystar bastaldy. Jalpy qazir eki el Úkimetteri aldyna taýar aınalymyn 2 esege, ıaǵnı 2 mıllıard dollarǵa deıin arttyrý mindeti qoıyldy.