Oljas Bektenov pen Nıgerıa Federatıvti Respýblıkasynyń Ife Koroli Oonı Adeıeıe Enıtan Ogýnvýsı yntymaqtastyq máselelerin talqylady, dep habarlaıdy aqshamnews.kz Úkimettiń telegram kanalyna silteme jasap.
Qazaqstan Respýblıkasynyń Premer-mınıstri Oljas Bektenov elimizge Astana halyqaralyq forýmyna qatysý úshin kelgen Nıgerıa Federatıvti Respýblıkasy Ife Koroli Oonı Adeıeıe Enıtan Ogýnvýsımen kezdesti.
Bıylǵy 14 qańtarda «Abý-Dabıdiń ornyqty damý aptalyǵy» halyqaralyq samıti aıasynda qol jetkizilgen Qazaqstan men Nıgerıa prezıdentteri arasyndaǵy ýaǵdalastyqtardy júzege asyrý máseleleri talqylandy. Saýda-ekonomıkalyq jáne ınvestısıalyq yntymaqtastyqqa, AÓK, kólik jáne logıstıka, energetıka, geologıalyq barlaý, sıfrlyq tehnologıalar jáne basqa da salalardaǵy ózara is-qımylǵa nazar aýdaryldy.
Ótken jyly Qazaqstan men Afrıka elderi arasyndaǵy jalpy taýar aınalymy 15,4%-ǵa ósip, $789,2 mln-dy qurady. Agrarlyq sektolrda qazaqstandyq bıdaıdy Nıgerıaǵa jetkizilý keleshegi qarastyryldy. Kólik jáne logıstıka salasynda Orta dáliz Qazaqstanǵa Soltústik jáne Batys Afrıka naryǵyna taýar eksporttaý úshin múmkindikter ashady.
Kezdesý qorytyndysy boıynsha taraptar Qazaqstan men Nıgerıa arasyndaǵy ekijaqty ózara tıimdi yntymaqtastyqty keńeıtýge járdemdesýge nıetti ekenin rastady.