Qazaqstan Túrkıaǵa ónimniń 34 túri boıynsha jalpy quny 630 mln dollardan asatyn taýar eksportyn arttyrýǵa nıetti.
Olardyń ishinde metalýrgıa, munaı-hımıa, azyq-túlik jáne mashına jasaý ónerkásibiniń ónimderi bar. Bul jóninde Úkimet basshysy Oljas Bektenovtyń Túrkıa eline jasaǵan jumys sapary barysynda belgili boldy. Anadoly jerinde Premer-mınıstri baýyrlas eldiń basshysy Rejep Taıyp Erdoǵannyń qabyldaýynda boldy. Kezdesýde Oljas Bektenov Túrkıa Prezıdentine Qazaq basshysy Qasym-Jomart Toqaevtyń ystyq sálemi men izgi tilekterin jetkizdi. Eki memleket basshylary deńgeıinde keńeıtilgen strategıalyq áriptestik rýhynda ózara is-qımyldy damytý boıynsha qol jetkizilgen ýaǵdalastyqtar saýda-ekonomıkalyq, ınvestısıalyq, energetıkalyq, kólik-logıstıkalyq, agrarlyq jáne mádenı-gýmanıtarlyq yntymaqtastyqtyń barlyq salalarynda belsendi iske asyrylatyny atap ótildi.
Premer-mınıstr Túrkıanyń Vıse-prezıdentimen kelissózder júrgizip, iri kompanıalar men holdıń ókilderimen kezdesti. Sonymen qatar qazaq-túrik bıznes-forýmyna da qatysyp, birqatar mańyzdy kelisimder jasasty. Atap aıtqanda, ınvestısıalyq áriptestik baǵytynda jalpy quny 180 mln dollardan asatyn komersıalyq 10 qujatqa qol qoıyldy. Onyń ishinde daıyn ónimdi eksporttaý jónindegi memorandým, logıstıkalyq hab salý týraly kelisimder bar.
Istochnık: https://24.kz/kz/zha-aly-tar/sayasat/item/649898-bektenov-erdo-anmen-kezdesti
Qoldanylǵan materıaldarǵa mindetti túrde www.24.kz saıtyna gıpersilteme berilýi tıis
Oljas Bektenov, QR Premer-mınıstri: - Qazaqstan Úkimeti túrik ınvestorlarynyń qatysýymen ozyq tehnologıalardy transfertteý, óndiristerdi lokalızasıalaý jáne tereń óńdeý klasterlerin qurý boıynsha ınvestısıalardyń kólemin arttyrýǵa nıetti. Ózderińiz baıqaǵandaı Qazaqstannyń ınvestısıalyq áleýeti orasan zor jáne túrik memleketimen ózara tımidi bıznes júrgizý úshin mol múmkindikterimiz bar. Qazaqstan Úkimeti túrik bıznesi úshin senimdi, ári uzaq merzimdi seriktes bolýǵa daıyn. Biz ınvestorlardy qajetti resýsrtarmen, ınfraqurylymdarmen qamtamasyz etýge ázirmiz jáne ónimderdi eksportqa shyǵarýǵa qoldaý kórsetemiz.