Belgili jýrnalıs Qymbat Dosjan Jánibekti saýdalaǵan áıeldiń tabylǵanyn aıtty, dep habarlaıdy almaty-akshamy.kz.
Ol bul týraly áleýmettik jelide málimdedi.
«Aqsha alǵan áıel belgili eken. Onyń aty kim, nege aıtpaısyzdar?» dep suraısyzdar. Qazirgi ýaqytta qylmystyq is tergelip jatqandyqtan ol áıel týraly aıtýǵa esh quqym joq. Negizi bul áıeldiń atyn, qaıda turatynyn, nemen aınalysatynyn biz osy jyldyń qańtardyń 7-si kúni anyqtadyq. Buny qymystyq isti tergep jatqan Arqalyq polıısıasy da biledi», - dedi Qymbat Dosjan.
Jýrnalıs Jánibekti saýdalaǵan áıeldiń aýdarmashy bolyp jumys istegenin aıtty.
«2004 jyly aqsha alǵan kezde ol áıel Arqalyqta jumys istegen. Sizder oılaǵandaı perzenthanada nemese balalar úıinde jumys istemegen. Ol til bilgendikten aýdarmashy bolyp jumys istegen. 12 myń dollardy qolyna sanap alǵan kezde, Jánibektiń asyrap alǵan anasyna «Siz az berip tursyz, amerıkalyqtar bizge ul balalar úshin 20 myń dollardan joǵary aqsha beredi» degen.
2020 jyly aqsha alǵan áıel Valerıımen (Jánibektiń asyrap alǵan anasy) hat jazysqan. Ol jerde «Jánibektiń jaǵdaıy qalaı?» dep suraǵan. Buǵan dálelimiz bar. Oqıǵanyń mán-jaıy tergeý aıaqtalyp, sot bolǵan kezde ǵana belgili bolady. «Barmysyń, baýyrym?» habary Jánibektiń anasyn izdeýdi ary qaraı jalǵastyrady», - dedi jýrnalıs.