Araǵa 14 jyl salyp, qytaılyqtar qysqy oıyndardy ótkizýde.
Olımpıada «Jyldamyraq, bıigirek, myqtyraq - birgemiz» degen uranmen ótýde, dep habarlaıdy Almaty-akshamy.kz Olympic.kz saıtyna silteme jasap.
Beıjińde 2022 jylǵy Qysqy Olımpıadanyń ashylý saltanaty bastaldy.
Sońǵy ret Qytaı eli 2008 jylǵy Jazǵy Olımpıadany qabyldaǵan bolatyn. Osylaısha, Jazǵy jáne Qysqy Olımpıadany qabyldaǵan alǵashqy memleket retinde tarıhta qalmaq.
Ashylý saltanatyn qoıýshy rejıser – áıgili Chjan Imoý. 2008 jylǵy Jazǵy oıyndardyń ashylý saltanatyn da Imoý uıymdastyrǵan bolatyn.
Osy joly kovıdke qarsy sharalardy saqtaý barysynda qoıylymǵa qatysýshylar sany meılinshe qysqardy. Shoýǵa 3 myń akter qatysady.
Árbir Olımpıadanyń eń mańyzdy sátteriniń biri – Olımpıada alaýy jaǵylatyn sát. Uıymdastyrýshylardyń aıtýynsha, alaýdy jaǵý rásimi sońǵy 100 jylda bolmaǵan ádispen oryndalmaq.
Olımpıada «Jyldamyraq, bıigirek, myqtyraq - birgemiz» degen uranmen ótýde.
2022 jylǵy Qysqy Olımpıada oıyndarynda Qazaqstan namysyn 34 sportshy qorǵaýda. Elimizdiń kók Týyn Abzal Ájiǵalıev pen Ekaterına Aıdova alyp shyqty.