Aıtýly synǵa álemniń 90-nan astam elinen sportshylar qatysady.
2022 jylǵy Qysqy Olımpıadada sporttyń jeti túrinen 109 medal jıyntyǵy sarapqa salynady, dep habarlaıdy Almaty-akshamy.kz
Qytaı astanasy Jazǵy jáne Qysqy Olımpıada oıyndaryn qabyldaǵan alǵashqy qala bolady. Jarys Beıjiń ortalyǵy, Iansın jáne Chjanszákoý sekildi úsh aımaqta ótedi.
Beıjińde kerlıng, hokeı, kónkımen júgirý sporty, erler men áıelder arasyndaǵy snoýbordıng, shańǵy frıstaılyndaǵy bıg-eır básekelerin qabyldaıdy. Al astana mańynda ornalasqan Iansınde shańǵy, bobsleı, skeleton jáne shana sportynda medaldar júldeleri sarapqa salynady. Hebeı provınsıasynda ornalasqan Chjanszákoý qalasynda snoýbordıng, shańǵy sportynyń barlyq túri jáne bıatlon jarystaryn qabyldaıdy.
Oıyndar «Taza muz ben qardaǵy qýanyshty kún» uranymen ótedi jáne 2008 jylǵy Jazǵy Olımpıada murasyna súıenedi. Aıtýly synǵa álemniń 90-nan astam elinen sportshylar qatysady. Dál qazir 2022 jylǵy Qysqy Olımpıada oıyndarynyń ashylý saltanaty ótýde.