Qazir erejeniń jobasy talqylanyp jatyr.
Turǵyn úı jaldaý sýbsıdıasyn tóleý erejelerin mamyr aıynda bekitip, iske qosý josparlanǵan, dep habarlaıdy Almaty-akshamy.kz
Turǵyn úı jaldaý sýbsıdıasyn alýǵa ótinish berýshilerdiń nesıe tarıhy tekserilmeıdi. Bul týraly «Habar» telearnasyndaǵy «Búgin» baǵdarlamasynda belgili boldy.
«Ótinish berýshilerge tólem qabiletin rastaý kerek. «Baspana market» portalyna ótinim bergennen keıin tólem qabiletin bank avtomatty túrde esepteıdi. Iaǵnı, derekkqorlardan búkil aqparat alynady. Onyń ishinde sizdiń aılyǵyńyz, barlyq tólemderińiz, eńbek demalysynyń ótemaqysy bolsa, sonyń bári kiredi. Kásipker retinde tirkelgen bolsańyz, kásipkerlik tabysyńyz kiredi. Sol otbasy alatyn zeınetaqy men áleýmettik tólemder de tólem qabileti retinde esepke alynady. Osy tabystyń bárin jan basyna shaǵyp, 6 aıdyń ishindegi tabysyn esepteıdi», - dedi «Otbasy bank» aksıonerlik qoǵamy ortalyq fılıalynyń dırektory Jansultan Mataı.
Baǵdarlama barysynda «Turǵyn úı jaldaý sýbsıdıasyn alǵysy keletin otbasynyń nesıe tarıhy jaǵymsyz bolsa, ne isteý kerek?» degen saýal qoıyldy. «Nesıe tarıhy qaralmaıdy», - dep qysqa qaıyrdy Jansultan Mataı.
Aıta keteıik, turǵyn úı jaldaý sýbsıdıasyn tóleý erejelerin mamyr aıynda bekitip, iske qosý josparlanǵan. Qazir erejeniń jobasy talqylanyp jatyr.