Sottalǵan balalar Olımpıada oıyndarynyń jeńimpazdarymen kezdesti.
Almatydaǵy balalar kolonıasyna Parıjde ótken jazǵy Olımpıada oıyndarynyń qola júldegerleri, Qazaqstan Respýblıkasynyń halyqaralyq dárejedegi sport sheberleri Aleksandra Le jáne Islam Satpaev baryp, jazalanǵan balalarmen áńgimelesti, dep habarlaıdy aqshamnews.kz El.kz-rt cilteme jasap.
Almaty qalasy sport basqarmasynyń qoldaýymen uıymdastyrylǵan kezdesýde Olımpıada júldegerleri ózderiniń balalyq shaqtary men sport jolyndaǵy jetistikteri jaıly áńgimelep, balalardyń sportqa baılanysty qoıǵan suraqtaryna jaýap berdi.
Qylmystyq-atqarý júıesi mekemelerindegi jaǵdaıdy saýyqtyrýdyń 2023-2025 jyldarǵa arnalǵan Jol kartasyn iske asyrý aıasynda ótkizilgen kezdesýdiń maqsaty – balalardyń sportqa degen qulshynysyn arttyryp, qoǵamǵa tolyqqandy azamat bolyp oralýlaryna kómektesý.
Kezdesý sońynda mekeme ákimshiligi kelgen qonaqtarǵa alǵysyn bildirse, sottalǵan balalar ózderi jasaǵan buıymdaryn syıǵa tartty.