Beıjińdegi Qysqy Olımpıada 4-20 aqpan aralyǵynda ótedi.
«Beıjiń-2022» uıymdastyrý komıtetiniń málimdeýinshe, Olımpıada oıyndaryn tamashalaýǵa 150 myńǵa jýyq kórermen barady, dep habarlaıdy Almaty-akshamy.kz
Uıymdastyrý komıtetiniń aqparatyna sáıkes, jankúıerlerge arnalǵan oryndardyń jartysy olarǵa tıesili eken. Kórermender qataryna Qytaıdyń qurlyqtyq bóliginde turatyn sheteldikter, dıplomatıalyq mısıalar músheleri men marketıń boıynsha áriptester, jergilikti turǵyndar, bastaýysh jáne orta mektep oqýshylary kiredi.
Koronavırýstyń taralýynyń aldyn alý jáne halyqaralyq sport sharasynyń barlyq qatysýshylarynyń qaýipsizidigin qamtamasyz etý maqsatynda «Beıjiń-2022» uıymdastyrý komıteti budan buryn Olımpıadanyń sheteldik jankúıerlersiz ótetini týraly sheshim qabyldaǵan bolatyn. Uıymdastyrý komıteti bıletterdi satylymnan alyp tastap, olardyń jergilikti jankúıerler arasynda bólinetinin habarlaǵan edi. XXIV Qysqy Olımpıada oıyndary Beıjińde 4-20 aqpan aralyǵynda ótedi.