Olımpıada oıyndary 23 shilde men 8 tamyz aralyǵynda ótedi, dep josparlanǵan.
Olımpıada alaýynyń estafetasyn tapsyrý rásimi juma kúni Tokıoda ótti, dep habarlaıdy Almaty-akshamy.kz Interfax.ru saıtyna silteme jasap.
«Komadzava» olımpıadalyq saıabaǵynda arnaıy shaqyrylǵan júz qonaqtyń qatysýymen Tokıo ákimi Iýrıko Koıke Olımpıada shamyn aldy.
Bir kún buryn Koıke jankúıerlerdiń oıyndarǵa barýyna tyıym salynǵanyna renjigenin jetkizgen bolatyn. Alaıda uıymdastyrýshylar mundaı qadamǵa Japonıada koronavırýstyq ınfeksıa men aýrý sanynyń artýyna baılanysty barǵanyn túsindirgen.
Buǵan deıin Japonıa bıligi COVID-19 taralýyna baılanysty 12 shilde men 22 tamyz aralyǵynda jarıalanǵan tótenshe jaǵdaıǵa baılanysty jazǵy Olımpıada oıyndaryna kórermenderdi jibermeý týraly sheshim qabyldaǵan bolatyn.
Olımpıadaǵa arnalǵan jarystardyń kóp bóligi Tokıoda ótedi, alaıda jarystardyń keı túrleri Japonıa astanasynan tys jerlerde uıymdastyrylady. Kórermenderdiń qaýipsizdigine arnalǵan sharalarǵa qatysty sheshimdi Oıyn uıymdastyrýshylary jergilikti bılik ókilderimen júrgizgen kelissózderden keıin qabyldaıtyn bolady.