Almatyda jyl basynan beri jasóspirimder arasyndaǵy qylmys 11,6%-ǵa tómendedi.
Almatyda kámeletke tolmaǵan balalardyń quqyqtaryn qorǵaý jónindegi qalalyq komısıanyń otyrysy ótti, dep habarlaıdy Almaty-akshamy.kz
Almaty qalasy ákiminiń orynbasary Erjan Babaqumarovtyń tóraǵalyǵymen jáne Almaty qalasy prokýrorynyń kómekshisi Ǵ. Janbekovanyń qatysýymen onlaın formatta kámeletke tolmaǵandardyń isi men olardyń quqyǵyn qorǵaý jónindegi qalalyq vedomstvoaralyq komısıanyń otyrysy ótti.
Otyrysta kámeletke tolmaǵan jasóspirimderge qatysty qylmys pen quqyq buzýshylyq qaraldy. Iývenaldy polısıanyń deregi boıynsha, 6 aıdyń ishinde jasóspirimder arasyndaǵy qylmystyń 11,6%-ǵa tómendegeni baıqaldy. Júrgizilgen taldaýǵa sáıkes, jasalǵan quqyq buzýshylyqtyń 40%-y qalaǵa basqa óńirlerden kelgen adamdarǵa qatysty ekeni anyqtaldy.
Jasóspirimder ómirlik qıyn jaǵdaıǵa tap bolǵan balalardy qoldaý ortalyǵyna jiberiledi. Sondaı-aq, kámeletke tolmaǵandarǵa qatysty jasalǵan qylmystardyń sany 20%-ǵa tómendegen. Kámeletke tolmaǵandardyń oıyn-saýyq mekemelerinde (saǵat 22.00-den keıin) jáne turǵyn úı-jaılardan tys (saǵat 23.00-den keıin) túngi ýaqytta zańdy ókilderiniń bolmaýynan 3573 (2020j. – 3018) ata-ana ákimshilik jaýapkershilikke tartyldy.
Sonymen qatar, Alataý aýdany ákimdigi janyndaǵy qylmystyń aldyn alý jónindegi komısıa tóraǵasynyń esebi tyńdaldy. Atap aıtqanda, táýekel tobyndaǵy otbasylarmen jáne kámeletke tolmaǵandar arasynda qylmysqa jol bermeý úshin aldyn alý is-sharalaryn qarastyrdy. Basqa da aýdandyq komısıalardyń tóraǵalary da kestege sáıkes tyńdalady. Aıta ketsek, jarty jyldyń ishinde aýdandyq komısıa otyrystarynda kámeletke tolmaǵandardyń múddesi úshin túrli faktiler boıynsha 197 materıal qaraldy.
Erjan Babaqumarov qala aýmaǵynda ornalasqan kolej oqýshylary jasaǵan qylmystyq faktilerge nazar aýdardy. Osy baǵytta kolej, jalpy orta bilim berý mekemeleriniń oqýshylarymen jáne basshylyǵymen túsindirme jumystaryn júrgizý, sondaı-aq jasóspirimderdi oqýdan tys ýaqytta jumyspen qamtýdy uıymdastyrý tapsyryldy.
Sondaı-aq, ómiri men bolashaǵy alańdaýshylyq týdyratyn balalary bar otbasylarǵa alǵashqy jyly medısınalyq-áleýmettik turǵydan qoldaý kórsetý jáne syrtqy faktorlardyń áserinen bolatyn sábı óliminiń aldyn alý máselesi únemi baqylaýda.