XXIV qysqy Olımpıada oıyndary Beıjińde 2022 jyldyń 4-20 aqpany aralyǵynda ótedi.
Olımpıada oıyndaryn uıymdastyrý komıtetiniń málimetinshe, 2022 jylǵy XXIV qysqy Olımpıada oıyndarynyń alaýy sársenbi kúni Afınydan QHR astanasyna jetkizildi, dep habarlaıdy Almaty-akshamy.kz
Olımpıada oıyndary uıymdastyrý komıtetiniń delegasıasy mingen ushaq sársenbi kúni tańerteń Qytaı astanasyndaǵy «Shoýdý» halyqaralyq áýejaıyna toqtady.
«Qus uıasy» ulttyq stadıonynyń janynda ornalasqan Olımpıada munarasynda alaýdy qarsy alý sharasy ótti. Olımpıada alaýy aldymen Beıjińdegi Olımpıada munarasyna qoıylady, keıin Qytaıdy aralap shyǵý úshin týrnege attanady.
Alaıda fakeldik estafeta aýqymy koronavırýsqa baılanysty qysqarady. 2022 jyldyń 2-4 aqpany aralyǵynda qysqy Olımpıada oıyndarynyń úsh saıys aýmaǵynda – Beıjińde, Iansınde jáne Chjanszákoýde 1200 alaýgerdiń qatysýymen estafetanyń aqtyq kezeńi ótedi.
