Muhtar Áýezov atyndaǵy Qazaq ulttyq drama teatrynyń repertýary taǵy bir jańa qoıylymmen tolyqty
Amerıkanyń belgili dramatýrgy Donald Kobýrnnyń áıgili jalǵyz pesasyn Ermek Amanshaev aýdarǵan. Al ony sahnalaǵan rejıser - Alma Kákisheva, dep habarlaıdy Almaty-akshamy.kz 24.kz-ke silteme jasap.
«Oıynnan ot shyǵar» tragı-komedısynyń oqıǵasy qarttar úıinde órbıdi. Taǵdyr tálkegimen osynda turyp jatqan Veller Martın men Fonsıa Dorsıdiń árqaısysynda bir basyna jeterlik qasireti bar. Al, olardyń qazirgi ortaq ermegi karta oınaý. Djın oıynynan aldyna jan salmaǵan Veller Fonsıadan birneshe ret ońbaı utylady. Bul onyń ashýyn týǵyzyp, tynyshtyǵynan aıyrady. Drama shıelenisken saıyn, keıipkerlerdiń jan jarasy da tereńdeı túsedi.
«Árqaısymyzdyń bir egoızm egolarymyz ózimshildigimiz biraq biz ony kórmeımiz de sodan osyndaı bir neshetúrli katastrofalarǵa ushyraımyz. İshki psıhologıcheskıı. Osy jóninen kelgende bul spektákl ózekti. Óte ómirge qazir tipti qajet dep oılaımyn. Óıteken sebebi, adamdar endi ózi kim ekenine bet buryp qaraý kerek», - deıdi rejıser Alma Kákisheva.
Pesa osydan 12 jyl buryn «Jynoınaq» degen ataýmen sahnalanǵan. Ol kezde keıipkerlerdi aǵa býyn akterler oınaǵan edi. Jańa nusqada Vellerdiń rolin akter Asylbek Boranbaı, Fonsıany jas aktrısa Janargúl Janamanova somdaıdy. Qoıylymda tek eki keıipker bolsa da esh jalyqtyrmaıdy. Kórermendi bir kúldirip, bir muńaıtqan akterlar súısindirdi, sendirdi.
«Oıynnan ot shyǵar» tragıkomedıasyn akterlar eki quramda oınaıdy. Ekinshi quramda Vellerdiń rolin Ǵanı Quljanov, Fonsıany Nurjan Beksultanova somdaıdy.