Birinshi jaǵdaıda janarmaı quıý beketteriniń biriniń ákimshisi aryzben júgindi.
Onyń aıtýynsha, belgisiz bireý ózin klıent retinde kórsetip, jasyryn túrde saýda-materıaldyq qundylyqtaryn urlaǵan. Ekinshi aryz – qoǵamdyq kóliktegi uıaly telefon urlyǵy týraly. 121-baǵyttaǵy qoǵamdyq kólikte belgisiz bireý jolaýshynyń qaltasynan uıaly telefonyn urlap ketken. Eki qylmys ta beınebaqylaýǵa túsip qalǵan, dep habarlaıdy Almaty-akshamy.kz Polisia.kz-ke silteme jasap.
Jedel-izdestirý is-sharalarynyń nátıjesinde atalǵan qylmystardy jasady degen kúdikpen Tekeli qalasynyń turǵyny 21 jastaǵy A. esimdi azamat jáne Almaty qalasynyń turǵyny 27 jastaǵy A. esimdi azamat ustaldy.
«Eki kúdiktige qatysty QR QK-niń 188-baby 1-bóligi (Urlyq) boıynsha qylmystyq is tirkeldi. Ustalǵandar óz qylmystaryn moıyndady», – dedi Jetisý aýdandyq polısıa basqarmasynyń bastyǵy Jánibek Shynasylov.
QR QK-niń 201 babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.