Ábilhan Qasteev atyndaǵy QR Memlekettik óner mýzeıi Truffle Bee brendinen Säule Art-ınstalásıasy: ulttyq oıýlar arqyly urpaq arasyndaǵy baılanysty zertteý kórmesin usynyp otyr.
Säule («sáýle», «jaryq») – toptamasy elimizdiń biregeı mádenı murasynyń únine qulaq túrile otyryp jasalǵan. Truffle Bee brendiniń alǵashqy ulttyq toptamasy – bul dástúrimizdi vızýaldy zertteý, tereń tarıhy bar oıý-órnekterimiz búgingi kún men ótken, keler shaqty baılanystyra, jańa keıpine enýiniń ınterpretasıasy. Truffle Bee óz toptamasyna aıryqsha órnekterdi izdestirý barysynda ata-babalarymyzdan mura bolyp qalǵan qazaqtyń dástúrli ornamentterin zerttegen bolatyn.
Elimizdiń dástúrli oıý-órnekterin zertteýde Erlan Karınniń eńbekterindegi jeti júzden astam dástúrli keskinder, Túrkistandaǵy Qoja Ahmet Iassaýı kesenesindegi oıýlar, sondaı-aq Ábilhan Qasteev atyndaǵy óner mýzeıi mýzeıiniń tarıhı muraǵattary zerdelendi. Osylaısha brend «Qoshqar muiiz» órnegin tańdady. Qazaq oıýlarynyń alǵashqy elementi bolyp esepteletin órnek, búginde Säule toptamasynyń barlyq buıymdaryn – teri pleısmat, koster men tekstıl dastarhandy bezendiredi.
Toptamany tanystyrý úshin Á.Qasteev mýzeıi tańdalǵan. Mýzeıdegi jádigerdiń qandaı bolýyn sheshýde brend «Jeti ata» dástúrine júgindi. Qazaq mádenıetinde jeti atasyn bilý ár adamnyń babalar danalyǵymen tyǵyz tildesýine teń. Bul bizdiń ómir saltymyzdy qurý men rýhanı damýymyzdyń negizi. Búgin brend «Jeti ata» dástúrin aǵashtyń sımvolıkalyq turǵysynan qarastyrýda. Tarıhqa toly jerimizge tamyryn tereń jibergen aǵash – bul búgingi kún men ótken, keler shaqtyń baılanysy.
Truffle Bee usynǵan Säule kórmesi óner mýzeıindegi sándik-qoldanbaly óner zalynda 30 naýryzǵa deıin jalǵasady.