Megapolıstegi volonterlik jyl saıyn qarqyn alýda jáne ózindik damý ereksheligi bar. Almaty qalasy jastar saıasatyn damytý memlekettik qory dırektorynyń mindetin atqarýshy, Almaty qalasy eriktiler front-ofısiniń basshysy, “QAMQOR CHARITY” qoǵamdyq qorynyń tóraǵasy Baǵdat Anarbaeva Óńirlik komýnıkasıalar qyzmetiniń brıfıńinde Volonterlik qyzmetti damytý boıynsha iske asyrylyp jatqan jobalar týraly aıtyp berdi, dep habarlaıdy almaty-akshamy.kz.
Onyń aıtýynsha, ótken jyly eriktiler 600-den astam is-shara ótkizdi. Megapolıste barlyǵy 30-dan astam iri eriktiler uıymdary bar, al eriktilerdiń jalpy sany 50 myńnan asady.
"2023 jyly bizdiń eriktilerimiz 600-den astam is-sharalar men aksıalar ótkizdi, Túrkıadaǵy jer silkinisinen zardap shekkenderge 50 tonnadan astam gýmanıtarlyq kómek, Abaı aýdanyndaǵy órtten zardap shekkender úshin 5 tonnadan astam kómek jınaldy. Demeýshilerdiń qoldaýymen eriktiler 10 myń az qamtylǵan otbasyna, 350 jetim balaǵa jáne 800-den astam qart adamǵa kómektesti", - dedi Baǵdat Anarbaeva.
Aǵymdaǵy jyldyń basynan beri 100-den astam eriktiler is-sharasy uıymdastyryldy. Almaty qalasynyń Jastar saıasaty basqarmasymen jáne Tótenshe jaǵdaılar departamentimen birlesip 300-den astam eriktini seısmıkalyq qaýipsizdik týraly aqparattandyrý jumystary júrgizildi.
Búgingi tańda “QAMQOR CHARITY” qory qazirgi zamanǵy azamattyq qoǵamdy damytýdyń túrleri men tásilderiniń biri bolyp tabylatyn áleýmettik jobalar iske asyrylatyn uıym bolyp tabylady.
Eriktiler shtabynda ártúrli jobalar júzege asyryldy. ÓKQ spıkeriniń aıtýynsha, bıyl ata-anasynyń qamqorlyǵynsyz qalǵan balalardy áleýmettendirýge jáne oqytýǵa járdemdesýge baǵyttalǵan "áleýmettik sheberhana" jobasy iske asyryla bastady.
Qurylǵan sátten bastap jumystyń negizgi baǵyttarynyń biri eriktiler qyzmetin damytý jáne azamattar arasynda áleýmettik belsendiliktiń ósýi bolyp tabylady. Eriktiler óz bastamalary boıynsha túrli is-sharalar men aksıalar ótkizedi: jalǵyzbasty zeınetkerlerge arnalǵan pansıonattarda saýda keshterin uıymdastyrady, ata-anasynyń qamqorlyǵynsyz qalǵan balalardy oqytady, qańǵyǵan janýarlarǵa kómektesedi, eko-volonterlikpen aınalysady jáne t.b.
“Qazirgi ýaqytta jastar saıasaty basqarmasynyń qoldaýymen qalada volonterlerdiń front-ofısi jumys isteıdi, onda volonterler men volonterlik toptar men qaýymdastyqtarǵa qoldaý kórsetiledi. DQU bazasynda Volonterlik qyzmetti damytýǵa baǵyttalǵan konsýltasıalar, master-klastar, semınarlar uıymdastyrylady. Eriktiler basqalarǵa kómektesip qana qoımaıdy, sonymen qatar kóshbasshylyq, kommýnıkatıvtik jáne jobalardy basqarý daǵdylaryn damytady”, - dep qosty ol.
B. Anarbaeva eriktilik jeke jáne kásibı damý úshin, sondaı-aq eriktilerdiń ózderi úshin tamasha múmkindikter beretinin atap ótti. Almatyda volonterlar úshin motıvasıa jáne áleýmettik lıft bolyp tabylatyn eriktilerdiń ósýiniń geımıfıkasıalanǵan júıesi quryldy.
Osylaısha, bul áreketter men qabyldanǵan sheshimder Almatyda qaıyrymdylyq qyzmetiniń qarqyndy damýyna zor úles qosty. Volonterliktiń eń tanymal baǵyttary qaıyrymdylyq is-sharalary, qarajat pen zattar jınaý, halyqtyń áleýmettik osal toptaryna kómek kórsetý bolyp otyr.