Senat depýtaty, Parlamenttegi «Bir el – bir múdde» depýtattyq tobynyń jetekshisi Nurtóre JúsipAlmaty qalalyq Qazaqstan halqy Assambleıasynyń aktıvimen, etnomádenı birlestikterdiń ókilderimen jáne qalalyq máslıhat depýtattarymen resmı kezdesý ótkizdi.
Quttyqtaý sózinde Nurtóre Júsip búgingi tańda qoǵamdyq birlik buryn-sońdy bolmaǵan dárejede ulttyń uıytqysy ǵana emes, memlekettiń ómir súrýi men damýynyń strategıalyq sharty ekenin erekshe atap ótti. Álemdi geosaıası turaqsyzdyq, biregeılik daǵdarysy, kóshi-qon tolqyndary men radıkaldy kózqarastardyń kúsheıýi jaılaǵan qazirgi kezeńde ishki birlik pen ózara qurmetti saqtaý erekshe mańyzdy. Sonymen qatar, etnosaralyq jáne kópkonfessıaly memleket retinde Qazaqstan qoǵamdyq birlikti nyǵaıtýdy júıeli túrde qarastyratyn jańa syn-qaterlerge tap bolyp otyr.
Osy turǵyda Qazaqstan halqy Assambleıasy biregeı qoǵamdyq-saıası ınstıtýt qana emes, eldiń turaqty damýyn qamtamasyz etetin jáne Ádiletti Qazaqstandy – árbir azamat ózin qorǵalǵan, qoǵam ómirine qatysýshy ári mańyzdy tulǵa retinde sezinetin memleketti qurýǵa baǵyttalǵan strategıalyq tetik retinde de tanylady.
«Búginde biz Ádiletti Qazaqstandy – árbir adam ózin birtutas qoǵamnyń ajyramas bóligi, qurmetke laıyq ári qajet tulǵa retinde sezinetin eldi – quryp jatyrmyz. Bul tarıhı úderiste Qazaqstan halqy Assambleıasy tek konsýltatıvtik organ ǵana emes, ol – ulttyq kelisimniń sımvoly, moraldyq jáne ıdeologıalyq ózek, turaqtylyqtyń strategıalyq resýrsy jáne bolashaqtyń kepili. Qazaqstan halqy Assambleıasyn qoldaý jáne damytý arqyly biz tek etnosaralyq tatýlyqty nyǵaıtyp qana qoımaı, qazirgi jaǵdaıda egemen, qýatty jáne ádiletti Qazaqstannyń negizin qalaımyz», – dedi Nurtore Júsip.
Sonymen qatar, áriptesterimen áńgime jáne pikir almasý barysynda depýtat Nurtóre Júsip etnosaralyq kelisimdi nyǵaıtýǵa baǵyttalǵan ınstıtýttardyń konstıtýsıonaldy jumysynyń erekshe mańyzdy ekenin atap ótti. Osyndaı ınstıtýttardyń biri – Qazaqstan Respýblıkasy Parlamentindegi «Bir el – bir múdde» depýtattyq toby.
«Qazaqstan Respýblıkasynyń Prezıdenti Qasym-Jomart Toqaev el birligi – qýatty memlekettiń irgetasy ekenin únemi atap kórsetip keledi. Osy turǵyda «Bir el – bir múdde» sıaqty depýtattyq birlestikterdiń úlesi aıryqsha mańyzǵa ıe. Olar Parlamenttegi halyq ókilderi ǵana emes, qoǵamnyń túrli áleýmettik, etnıkalyq jáne mádenı toptary arasyndaǵy senim kópirine aınalyp otyr. Biz depýtattyq toptyń rólin kúsheıtý, ókilettigin keńeıtý, sondaı-aq onyń qyzmetiniń ashyqtyǵy men aıqyndylyǵyn arttyrý eldiń turaqty damýyna, ulttyq birigýge jáne Qazaqstannyń strategıalyq kapıtaly – ishki beıbitshilik pen kelisimdi saqtaý isine zor úles qosatynyna senimdimiz», – dep atap ótti Nurtóre Júsip.
Parlamentarıı búgingi tańda óńirlik máslıhattarmen, sonyń ishinde QHA atynan saılanǵan depýtattarmen konstrýktıvti ózara is-qımyl jolǵa qoıylǵanyn erekshe atap ótti. Ulttyq jáne jergilikti basqarý deńgeıleri arasyndaǵy osyndaı úılesimdi baılanys el ishindegi jaǵdaıdy tıimdi baqylaýǵa, áleýetti áleýmettik nemese etnostyq shıelenisterdiń aldyn alýǵa, sondaı-aq eldiń barlyq óńirlerinde birlik pen kelisimdi nyǵaıtýǵa baǵyttalǵan biryńǵaı kózqarasty qalyptastyrýǵa múmkindik beredi.
«Bir el – bir múdde» depýtattyq toby qoǵamdyq kelisimdi, etnosaralyq turaqtylyqty jáne qazaqstandyq azamattyq biregeılikti nyǵaıtýǵa baǵyttalǵan mańyzdy parlamenttik ınstıtýt retinde ózin kórsete bildi. Toptyń qyzmeti el birligine baǵyttalǵan etnosaralyq saıasattyń qurylymyna úılesimdi túrde kirigip, Memleket basshysy aıqyndaǵan Ádiletti Qazaqstandy qurý jolyndaǵy mindetterdi iske asyrýǵa belsendi túrde yqpal etýde. Jalpy alǵanda, depýtattyq top Parlamentti, atqarýshy bılikti, Assambleıany, jergilikti ókildi organdardy jáne eń bastysy – halyqty ózara baılanystyratyn mańyzdy ınstıtýsıonaldyq kópirge aınalýda. Prezıdent jarıalaǵan jańa saıası jáne áleýmettik baǵyttar jaǵdaıynda bul toptyń jumysy kemeldengen, jaýapty ári birikken azamattyq qoǵamdy qalyptastyrý quraly retinde aıryqsha mańyzǵa ıe», – dep túıindedi NurtóreJúsip.