Metalýrgıa – ulttyq ekonomıkanyń basty salasynyń biri.
Qazaqstannyń Tuńǵysh Prezıdenti Nursultan Nazarbaev qazaqstandyqtardy Metalýrgter kúnimen quttyqtady, dep habarlaıdy Almaty-akshamy.kz Elbasy.kz caıtyna silteme jasap.
Qurmetti metalýrgıa salasynyń eńbekkerleri men ardagerleri! Sizderdi kásibı merekelerińiz – Metalýrgter kúnimen quttyqtaımyn!
Metalýrgıa – ulttyq ekonomıkanyń basty salasynyń biri, munda óz isine shyn berilgen, qajyr-qaıraty mol, jaýapkershiligi joǵary jandar eńbek etedi.
Bul – adamnyń minezi men erik-jigeri shyńdalatyn, maqsatqa jetý jolyndaǵy tabandylyǵy men qaısarlyǵy qalyptasatyn jer.
Kezinde ózim de osy ómir mektebinen ótip, baı tájirıbe jınaǵanymdy maqtan tutamyn. Meniń keıingi qyzmet jolymda onyń paıdasy tıdi.
Metalýrgıa salasyndaǵy mamandardyń eńbeksúıgishtigi, qaısarlyǵy jáne tabandylyǵy zor qurmet pen shynaıy alǵysqa laıyq.
Sizder óz jumystaryńyz arqyly Qazaqstannyń ekonomıkalyq ál-aýqatynyń artýyna súbeli úles qosyp kelesizder.
Qajyrly eńbekterińiz ben asqan sheberlikterińiz aldaǵy ýaqytta da elimizdiń órkendeýine septigin tıgize beretinine senimim zor.
Sizderge mol tabys, denderińizge saýlyq jáne baq-bereke tileımin!