Elbasy Eýrazıanyń tórtjaqty ekonomıkalyq forýmyn qurý týraly usynys bildirdi
QR Tuńǵysh Prezıdenti – Elbasy Nursultan Nazarbaev úlken Eýrazıanyń tórtjaqty ekonomıkalyq forýmyn qurý qajet ekendigin aıtty, dep habarlaıdy Almaty-akshamy.kz QazAqparat saıtyna silteme jasap
«Eýrazıa elderi jańa daǵdarystyń aldyn alý maqsatynda júıeli dıalogty jolǵa qoıýy qajet. Bul úshin baıaǵydan beri, tipti úshinshi eldermen de jumys istep turǵan óńirlik halyqaralyq birlestik negizgi arna bola alady», - dep eske aldy Elbasy «Astana klýb-2021» otyrysynda.
QR Tuńǵysh Prezıdenti Eýrazıalyq ekonomıkalyq odaq, Eýropalyq odaq, Shanhaı yntymaqtastyq uıymy, sonymen qatar taıaýda qurylǵan Túrki memleketteri uıymy arasynda tikeleı baılanystardy damytatyn ýaqyt jetkenin atap ótti.
«Olardyń barlyǵynda eń aldymen ekonomıkalyq yntymaqtastyqqa baǵdarlaný tán. Dál osy ekonomıkalyq yntymaqtastyq bazasynda saıası, mádenı jáne ózge de baılanystar artady. Bul búkil ǵalamshar úshin úlken jeńis bolar edi. Osyǵan oraı Úlken Eýrazıanyń tórtjaqty ekonomıkalyq forýmyn qurýdy usynamyn. Onda elderimiz Eýrazıadaǵy kooperasıanyń barlyq múmkindikterin talqylap, ilgerilete alar edi. Qazaqstan Memleket jáne Úkimet basshylary deńgeıindegi mundaı forýmdy uıymdastyrýshylardyń biri bola alady», - dedi Nursultan Nazarbaev.