Almaty aq ulpaǵa orandy: qar tazalaý jumystaryna 554 arnaıy tehnıka jumyldyryldy
Saǵat 17.00-de taýly aýdandarǵa 20 sm, taý bókterine 10-15 sm, qalaǵa 5 sm qar tústi, dep habarlaıdy Almaty-akshamy.kz
Almaty qalasynyń Turǵyn úı saıasaty basqarmasynyń málimetinshe, qar jaýa salysymen 191 qumshashqyshtyń kúshimen joldarǵa kóktaıǵaqqa qarsy materıaldar sebildi.
640 tonna kóktaıǵaqqa qarsy materıaldar paıdalanyldy.
Qar tazalaýǵa barlyǵy 554 arnaıy tehnıka birligi men 1482 jol jumysshysy jumyldyryldy.
Qardy sypyrý, trotýarlardy, jaıaý júrginshiler aımaqtaryn, qoǵamdyq kólik aıaldamalaryn, «qaltalardy», kópshilik paıdalanatyn oryndardy tazalaý boıynsha jumystar júrgizilýde.
Keshki «qarbalas shaqtan» soń polısıanyń patrúldik mashınalarynyń erip júrýimen qar kúreıtin kolonnalar uıymdastyrylady.
Túngi kezeńde 17-18 qarashada 491 arnaıy tehnıka birligi, onyń ishinde 183 qumshashqysh shyǵarylady dep josparlanýda.
Aýdandyq ákimdikter men merdigerlik kásiporyndarda qar tazalaý jumystarynyń óndirisin baqylaý boıynsha táýlik boıy kezekshilik uıymdastyryldy.
Qazgıdromettiń boljamy boıynsha 18 qarashanyń tańyna qar jaýady dep kútilýde.